[The Mirror News] - ងាយស្រួលធ្វើដំណើរវិញហើយ, ផ្លូវលំចូលវត្តក្របៅប្រវែងជាង៣០០០ម៉ែត្រ នៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅបានជួសជុលកែសម្រួលធ្ធ្វើឲ្យប្រសើរឡើងដើម្បីសម្រួលការធ្វើដំណើរហើយ!
2022-05-28
ទៅកាន់ទំព័រចុះផ្សាយក្នុង The Mirror News
កណ្តាល៖ នៅព្រឹកថ្ងៃទី២៨ ខែឧសភា ឆ្នាំ២០២២នេះ លោក នូ សុវណ្ណារ៉ា អភិបាលនៃគណៈអភិបាលក្រុងតាខ្មៅ បានប្រាប់ឲ្យភ្នាក់ងារ The Mirror News ដឹងថា ដោយការយកចិត្តទុកដាក់ខ្ពស់របស់ឯកឧត្ដម គង់ សោភ័ណ្ឌ អភិបាលខេត្តកណ្ដាល ពីបញ្ហាលំបាក និងសំណូមពររបស់ប្រជាជនក្នុងការធេី្វដំណើរលើផ្លូវលំចូលវត្តក្របៅ ប្រវែង ៣៥០០ម៉ែត្រ ស្ថិតនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ បានចាត់ក្រុមការងារ មន្ទីរជំនាញ អាជ្ញាធរមូលដ្ឋាន សហការជួសជុលកែសម្រួលធ្វើអោយប្រសើរឡើង ដើម្បីសម្រួលការធ្វើដំណើររបស់ប្រជាជន និងសាងសង់ផ្លូវដោយចាក់បេតុងប្រវែង ៣៥០០ម៉ែត្រ ទទឹង៩ម៉ែត្រ កំរាស់២តឹក ជូនប្រជាពលរដ្ឋយើង។
ជាមួយគ្នានោះបងប្អូនប្រជាពលរដ្ឋ ក៏ដូចជាអ្នកធ្វើដំណើរបានសម្ដែងនូវការគោរពអរគុណ ឯកឧត្ដម គង់ សោភ័ណ្ឌ អភិបាលខេត្តកណ្ដាល និងបានជូនពរ ឯកឧត្ដម និងក្រុមគ្រួសារ សូមជួបប្រទះនូវពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
