ការចុះត្រួតពិនិត្យផ្លាកសញ្ញាកំណត់ល្បឿន នៅតាមបណ្តោយផ្លូវជាតិលេខ ៧៦ ចាប់ពីរង្វង់មូលស្រុកស្នួល រហូតដល់ក្រុងសែនមនោរម្យ ខេត្តមណ្ឌលគិរី ............................ នៅថ្ងៃចន្ទ ៨រោច ខែពិសាខ ឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី២៣ ខែឧសភា ឆ្នាំ២០២២ ក្រុមការងារនៃនាយកដ្ឋានសុវត្ថិភាពចរាចរណ៍ផ្លូវគោក ដឹកនាំដោយ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានសហការជាមួយតំណាងអគ្គនាយកដ្ឋានសាធារណការ តំណាងអគ្គនាយកដ្ឋានបច្ចេកទេស ព្រមទាំង តំណាងមន្ទីរសាធារណការ និងដឹកជញ្ជូនខេត្តក្រចេះ និងខេត្តមណ្ឌលគិរី ចុះពិនិត្យផ្លាកសញ្ញាកំណត់ល្បឿន និងទីតាំងដែលមានហានិភ័យដែលអាចបង្កឱ្យកើតមានគ្រោះថ្នាក់ចរាចរណ៍ នៅតាមបណ្តោយផ្លូវជាតិលេខ ៧៦ ចាប់ពីចំណុចរង្វង់មូលស្រុកស្នួល ខេត្តក្រចេះ រហូតក្រុងសែនមនោរម្យ ខេត្តមណ្ឌលគិរី។ គោលបំណងនៃការចុះពិនិត្យនេះ គឺដើម្បីចុះសិក្សាអំពីលទ្ធភាពក្នុងការកែលម្អ ផ្លាកសញ្ញាកំណត់ល្បឿនអតិបរមាដែលបានបំពាក់រួចហើយ ឱ្យស្របទៅនឹងការរីកចម្រើនជាក់ស្តែងរបស់ប្រជាពលរដ្ឋដែលរស់នៅតាមបណ្តោយផ្លូវជាតិ។ ក្នុងនោះដែរក្រុមការងារក៏បានចុះពិនិត្យទីតាំងដែលធ្លាប់កើតមានគ្រោះថ្នាក់ចរាចរណ៍នៅទីតាំងមួយចំនួនផងដែរ។