នៅក្នុងគ្រោះថ្នាក់ចរាចរណ៍ធំៗជាច្រើនៅកម្ពុជា បានបង្កឡើង ដោយសារឡានធុនធំ ដែលបើកបរដោយអ្នកគ្មានវិជ្ជាជីវៈ ស្របនឹងកម្ពុជានៅមិនទាន់មាន សាលាបង្រៀនបើកបររថយន្តធុនធំនៅឡើយ។ ឯកឧត្តម ស៊ុមចាន់ថុល បានមានប្រសាសន៍កាលពីពេលថ្មីៗនេះថា ដោយមើលឃើញពីបញ្ហានេះ ក្រសួងសាធារណៈការណ៍និងដឹកជញ្ជូនកម្ពុជា បានកំពុងសហការគ្នាជាមួយដៃគូអភិវឌ្ឍន៍ ឲ្យមានសាលាបង្រៀនបើកបរឡានធំឡើង ដោយការបង្រៀនស្របតាមស្តង់ដារ ចេញបណ្ណបើកបរត្រឹមត្រូវតាមច្បាប់។ លោកបានបន្ថែមថានៅក្នុង១ឆ្នាំ គ្រោះថ្នាក់ចាចរណ៍នៅកម្ពុជាបានបាត់បង់ទឹកប្រាក់ប្រមាណជាង ៣០០លានដុល្លារអាមេរិក ហើយបានបន្សល់ទុកនៅ ស្ត្រីមេមាយ ក្មេងកំព្រាជាច្រើនទូទាំងប្រទេស។ ក្នុង១ថ្ងៃប្រជាពលរដ្ឋខ្មែរ បានបាត់បង់ជីវិតចំនួន៥នាក់ដោយសារគ្រោះថ្នាក់ចររាចរណ៍ អ្នករបួសមាន១៥នាក់ក្នុង១ថ្ងៃ ដែល៧០ភាគរយកើតឡើងលើអ្នកជិះម៉ូតូ។ ឯកឧត្តមបានបន្ថែមថា ដើម្បីកាត់បន្ថយគ្រោះថ្នាក់ចរាចរណ៍ ក្រសួងបានពង្រីកផ្លូវតូចឲ្យទៅជាផ្លូវធំ ពង្រីកផ្លូវ២គន្លង ទៅ៤គន្លង ប្រើប្រាស់ទាំងប្រពន្ធ័ផ្សព្វផ្សាយ ទាំង software និង hardware ដើម្បីឲ្យបងប្អូនប្រជាពលរដ្ឋបានយល់ច្បាស់។