(ភ្នំពេញ)៖ បីថ្ងៃស្លាប់មនុស្ស ២៧នាក់ និងរងរបួសចំនួន ៨០នាក់ ដោយសារគ្រោះថ្នាក់ចរាចរណ៍ ក្នុងថ្ងៃចូលឆ្នាំថ្មីប្រពៃណីជាតិខ្មែរ។ នេះបើយោងតាមរបាយការណ៍របស់អគ្គស្នងការនគរបាលជាតិ នៅថ្ងៃទី១៦ ខែមេសា ឆ្នាំ២០២២នេះ៕ របាយការណ៍បានបញ្ជាក់ថា៖ -នៅថ្ងៃទី១៤ ខែមេសា ឆ្នាំ២០២២ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៨លើក បណ្ដាលឲ្យមនុស្សស្លាប់៣នាក់ និងរបួសធ្ងន់ស្រាល១៥នាក់។ -នៅថ្ងៃទី១៥ ខែមេសា ឆ្នាំ២០២២ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន២៥លើក បណ្ដាលឲ្យមនុស្សស្លាប់១៦នាក់ និងរបួសធ្ងន់ស្រាល៣៤នាក់។ -នៅថ្ងៃទី១៦ ខែមេសា ឆ្នាំ២០២២នេះ គ្រោះថ្នាក់ចរាចរណ៍នៅទូទាំងប្រទេសកម្ពុជាក៏បានកើតឡើងចំនួន១៤លើក ក្នុងនោះស្លាប់ចំនួន ០៨នាក់ របួសធ្ងន់ស្រាល៣១នាក់៕