លោក ច្រៀង ផល័ក្ខ អនុប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន និងជាប្រធានផ្នែកផែនការ និងពិនិត្យតាមដាន អញ្ជើញដឹកនាំកិច្ចប្រជុំពិភាក្សាត្រៀមរៀបចំដំណើរទស្សនកិច្ចសិក្សារបស់យុវជនក្រសួងសាធារណការ និងដឹកជញ្ជូន ទៅកាន់ខេត្តព្រះសីហនុ ថ្ងៃសុក្រ ៧កើត ខែចេត្រ ឆ្នាំផ្លូវ ត្រីស័ក ព.ស២៥៦៥ ត្រូវនឹងថ្ងៃទី០៨ ខែមេសា ឆ្នាំ២០២២ នៅទីស្តីការក្រសួង៖ លោក ច្រៀង ផល័ក្ខ អនុប្រធានក្រុមការងារ ស.ស.យ.ក ក្នុងវិស័យ និងជាប្រធានផ្នែកផែនការ និងពិនិត្យតាមដាន បានអញ្ជើញដឹកនាំកិច្ចប្រជុំពិភាក្សាត្រៀមលក្ខណៈក្នុងការរៀបចំដំណើរទស្សនកិច្ចសិក្សារបស់យុវជនក្រសួងសាធារណការ និងដឹកជញ្ជូន ទៅកាន់ខេត្តព្រះសីហនុ ដោយមានការចូលរួមពីលោក លោកស្រី ប្រធាន និងសមាជិកនៃលេខាធិការដ្ឋានចំនួន១១រូប។ កិច្ចប្រជុំនេះបានផ្តោតសំខាន់ទៅលើការពិភាក្សាអំពី ការកំណត់សមាសភាពអ្នកចូលរួម ឱ្យសមស្របតាមបរិបទនៃជំងឺកូវី ១៩ និងបានបែងចែកតួនាទី ភារកិច្ចក្នុងការទទួលខុសត្រូវរបស់ថ្នាក់ដឹកនាំ ស.ស.យ.ក ក្នុងវិស័យ ដើម្បីធ្វើយ៉ាងណាឱ្យដំណើរទស្សនកិច្ចរបស់យុវជន ស.ស.យ.ក. មានភាពល្អប្រសើរ និងសម្រេចបានដូចការរំពឹងទុក។ សូមជម្រាបជូនផងដែរថាដំណើរទស្សនកិច្ចសិក្សារបស់យុវជនក្រសួងសាធារណការ និងដឹកជញ្ជូន ទៅកាន់ខេត្តព្រះសីហនុ គឺគ្រោងធ្វើឡើងនៅពេលខាងមុខនេះ ដោយមានវត្តមានអញ្ជើញចូលរួមដ៏ខ្ពង់ខ្ពស់របស់ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពេលនោះផងដែរ៕