ដោយៈ បាយ័ន / សៀមរាបៈ ចាប់ពី​ថ្ងៃទី​២៥ ខែមីនា ឆ្នាំ​២០២២​នេះ តទៅ ក្រុមការងារ បច្ចេកទេស របស់​មន្ទីរ​សាធារណការ និង​ដឹកជញ្ជូន ខេត្តសៀមរាប បាន​បន្ត​ថែទាំ​ផ្លូវ​ខួប និង​ថែទាំ​ជាប្រចាំ ចំនួន ៧ ខ្សែ ។​ ​មន្ត្រី​ជំនាញ​សាធារណការ ខេត្តសៀមរាប បាន​និយាយថាៈ ការងារ​ថែទាំ​ផ្លូវ​ទាំង ៧ ខ្សែ មាន​ដូចខាងក្រោម​÷ ១-​ការងារ​អ៊ុត​កៅស៊ូ binder courses គម្រោង​ផែនការ​ជួសជុល​ខួប​ផ្លូវជាតិ​លេខ​6 គ​.​ម​លេខ​305+750 ស្ថិតក្នុង​ឃុំ​ក​ណ្ដែ​ក ស្រុក​ប្រាសាទបាគង​។ ២-​ការងារ​កៀរ​កិន​បង្ហាប់​ស្រទាប់​គ្រឹះ​រង គម្រោង​ផែនការ​ជួសជុល​ខួប​ផ្លូវ​ខេត្ត លេខ​266F ចន្លោះ​គ​.​ម​06+570 ដល់គ​.​ម​10+570 ស្ថិតក្នុង​ឃុំ​យាង និង​ឃុំ​ក្ដី​រុន ស្រុក​ពួក​។ ៣-​បាន​បន្ត​កៀរ កិន​បង្ហាប់ ដី​ល្បាយ​ថ្ម ការងារ​ថែទាំ​ប្រចាំ​ផ្លូវ​ខេត្ត លេខ​2645 ស្ថិតក្នុង​ភូមិ​វត្ត ឃុំ​ស្រែ​ណូយ ស្រុក​វ៉ារិន​។ ៤-​បាន​បន្ត​ជួសជុល​ស្នាម​ប្រេះ ការងារ​ថែទាំ​ប្រចាំ​ផ្លូវ​ខេត្ត​លេខ​265E ចន្លោះ គ​.​ម​04 ដល់គ​.​ម​05 ស្ថិតក្នុង​ភូមិ​រលួស​ខាងលិច ឃុំ​រលួស ស្រុក​ប្រាសាទបាគង​។ ៥-​បាន​បន្ត​ជួសជុល​ដោយ​ស្រោច​កៅស៊ូ រោយ​ថ្ម ការងារ​ថែទាំ​ប្រចាំ​ផ្លូវ ជាតិ​លេខ​64 ចន្លោះ​គ​.​ម​41 ដល់គ​.​ម​42 ស្ថិតនៅក្នុង​ឃុំ​ស្វាយ​លើ ស្រុក​ស្វាយ​លើ​។ ៦-​បាន​បន្ត​ជួសជុល​បង្គោល​សុវត្ថិភាព ការងារ​ថែទាំ​ប្រចាំ​ផ្លូវជាតិ​លេខ​67 ចន្លោះ​គ​.​ម​12 ដល់គ​.​ម​17 ស្ថិតនៅក្នុង​ឃុំ​រុន​តា​ឯក ស្រុក​បន្ទាយស្រី​។ ៧-​បាន​បន្ត​ជួសជុល​បង្គោល​សុវត្ថិភាព ការងារ​ថែទាំ​ប្រចាំ​ផ្លូវ​ខេត្ត លេខ​265B ចន្លោះ​គ​.​ម​01 ដល់គ​.​ម​03 ស្ថិតនៅក្នុង​ឃុំ​គោក​ធ្ល​ក្រោម ស្រុក​ជីក្រែង​។ ​ជាមួយគ្នា​នោះដែរ ក្រុមការងារ​ដឹកជញ្ជូន​ផ្លូវគោក នៃ​មន្ទីរ​សាធារណការ និង​ដឹកជញ្ជូន ខេត្តសៀមរាប ក៏បានផ្ដល់​សេវា​ត្រួតពិនិត្យ​លក្ខណៈ​បច្ចេកទេស (​ឆៀក​) យានយន្ត​គ្រប់ ប្រភេទ ចំនួន ១០៨ គ្រឿង ផ្ដល់​លិខិតអនុញ្ញាត​ធ្វើ អាជីវកម្ម​ដឹកជញ្ជូន ចំនួន ២៣ គ្រឿង​៕/V​-PC