កិច្ចប្រជុំស្តីពីការត្រួតពិនិត្យបទបង្ហាញលទ្ធផលការងារប្រចាំឆ្នាំ២០២១ របស់ផ្នែកដឹកជញ្ជូន នារសៀលថ្ងៃពុធ ៨កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែកុម្ភៈ ឆ្នាំ២០២២ លោក ឈួន វ៉ន់ ប្រធានផ្នែកដឹកជញ្ជូន នៃ ស.ស.យ.ក វិស័យសាធារណការ និងដឹកជញ្ជូន បានដឹកនាំកិច្ចប្រជុំត្រួតពិនិត្យបទបង្ហាញស្តីពី លទ្ធផលការងារផ្នែកដឹកជញ្ជូនប្រចាំឆ្នាំ ២០២១ និងលើកទិសដៅការងារឆ្នាំ ២០២២។ កិច្ចប្រជុំនេះរៀបចំឡើងក្នុងគោលបំណងដើម្បីប្រមូលធាតុចូល បន្ថែមចំពោះបទបង្ហាញខាងលើ ដោយមានការចូលរួមពីថ្នាក់ដឹកនាំ និងជនបង្គោល ផ្នែកដឹកជញ្ជូន នៃ ស.ស.យ.ក វិស័យសាធារណការ និងដឹកជញ្ជូន ដែលមានសមាជិកសមាជិកាចូលរួមសរុប ចំនួន ១៤រូប។ មុននឹងបញ្ចប់ លោកប្រធានអង្គប្រជុំបានថ្លែងអំណរគុណដល់ក្រុមការងារទាំងអស់ ដែលបានប្តេជ្ញាចិត្តក្នុងការចូលរួមជាក្រុមការងាររបស់ផ្នែកដឹកជញ្ជូន និងជូនពរដល់សមាជិក សមាជិកា ទាំងអស់ដែលបានចូលរួមកិច្ចប្រជុំ ជួបប្រទះនូវសេចក្ដីសុខ និងចៀសផុតពីជំងឺកូវីដ ១៩ ទាំងអស់គ្នា៕