លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន អញ្ជើញដឹកនាំកិច្ចប្រជុំពិភាក្សាស្តីអំពីការត្រៀមរៀបចំកិច្ចប្រជុំបូកសរុបលទ្ធផលការងារ ស.ស.យ.ក វិស័យសាធារណកា និងដឹកជញ្ជូន ប្រចាំឆ្នាំ២០២១ និងទិសដៅឆ្នាំ២០២២ នាព្រឹកថ្ងៃព្រហស្បតិ៍ ២កើត ខែមាឃ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៣ ខែកុម្ភៈ ឆ្នាំ២០២២ នៅទីស្តីការក្រសួង លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាស្តីអំពីការត្រៀមរៀបចំកិច្ចប្រជុំបូកសរុបលទ្ធផលការងារ ស.ស.យ.ក វិស័យសាធារណការ និងដឹកជញ្ជូន ប្រចាំឆ្នាំ២០២១ និងលើកទិសដៅឆ្នាំ២០២២ ដោយមានការចូលរួមពី លោក លោកស្រី អនុប្រធានក្រុមការងារវិស័យ ប្រធាន អនុប្រធានផ្នែក ប្រធាន អនុប្រធាន លេខាធិការដ្ឋាន។ អង្គប្រជុំបានពិភាក្សាគ្នាយ៉ាងផុលផុសអំពីការត្រៀមរៀបចំកិច្ចប្រជុំបូកសរុបលទ្ធផលការងារ ឆ្នាំ២០២១ និងលើកទិសដៅឆ្នាំ២០២២ របស់ក្រុមការងារ ស.ស.យ.ក វិស័យសាធារណការនិងដឹកជញ្ជូន ដែលគ្រោងរៀបបចំនៅថ្ងៃទី២១ ខែកុម្ភៈ ខាងមុខនេះ។ នៅក្នុងកិច្ចប្រជុំនេះក៏បានពិភាក្សាកំណត់អំពីរបៀបវារៈ ការបែងចែកតួនាទីភារកិច្ចទទួលខុសត្រូវសម្រាប់កិច្ចប្រជុំបូកសរុបលទ្ធផលការងារនាពេលខាងមុខ។ បន្ថែមពីលើនេះដែល កិច្ចប្រជុំបានពិភាក្សានិងឯកភាពលើសេចក្តីសម្រេចបង្កើតផ្នែកជំនាញ និងផែនចំណុះក្រុមការងារ ស.ស.យ.ក វិស័យសាធារណការ និងដឹកជញ្ជូន។