(ភ្នំពេញ)៖ គិតត្រឹមថ្ងៃទី២៥ ខែមករា ឆ្នាំ២០២២នេះ ការដ្ឋានសាងសង់ស្ពានបេតុងអារមេខ្សែកាបឫស្សីកែវឆ្លងកាត់ទន្លេសាប សម្រេចលទ្ធផលបាន ៦៣.៧%។ តាមផែនការ គម្រោងសាងសង់ នឹងបញ្ចប់នៅខែមីនា ឆ្នាំ២០២៣នាពេលខាងមុខ។ នេះបើតាមព័ត៌មានដែល Swift News ទទួលបានពីមន្ទីរសាធារណការ រាជធានីភ្នំពេញ។ សូមបញ្ជាក់ថា គម្រោងស្ពាននេះ មានរចនាបទទំនើបដែលមានសរសរធំចំនួន ៤បង្គោល មានកំពស់រហូតដល់ ៤០ម៉ែត្រ សម្រាប់ព្យួរខ្សែកាប៕