ភ្នំពេញ ៖ រយៈពេល១០ខែ ឆ្នាំ២០២១នេះគ្រោះថ្នាក់ចរាចរណ៍បានកើតឡើង ២១៣១លើក បណ្ដាលឱ្យមានអ្នកស្លាប់ចំនួន ១១៩៨នាក់ របួសធ្ងន់ស្រាល ២៩២៩នាក់។ គ្រោះថ្នាក់ដោយម៉ូតូមានចំនួន ៧៧ភាគរយ មិនពាក់មួកសុវត្ថិភាព ៧៨ភាគរយ។ នេះបើតាមការលើកឡើងរបស់លោកជំទាវ មឹន មាណាវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការគណៈកម្មាធិការជាតិសុវត្ថិភាពចរាចរណ៍ផ្លូវគោក ក្នុងវេទិកាថ្នាក់និពន្ធនាយកសារព័ត៌មាន ស្តីពី «ការលើកកម្ពស់សុវត្ថិភាពចរាចរណ៍ សម្រាប់កម្មករនិយោជិតនៅកម្ពុជា» នាព្រឹកថ្ងៃទី១៥ ខែធ្នូ ឆ្នាំ២០២១ នាសណ្ឋាគារហ៊ីម៉ាវ៉ារី រាជធានីភ្នំពេញ៕