[Khmer times] - ស្ពានស្ទឹងត្រង់-ក្រូចឆ្មារសម្ពោធជាផ្លូវការ
2021-11-23
ទៅកាន់ទំព័រចុះផ្សាយក្នុង Khmer times
ស្ពានស្ទឹងត្រង់-ក្រូចឆ្មារតភ្ជាប់ពីខេត្តកំពង់ចាម និងខេត្តត្បូងឃ្មុំ ត្រូវបានសម្ពោធដាក់ឱ្យប្រើប្រាស់ជាផ្លូវការហើយនៅថ្ងៃនេះ។
លោក ស៊ុន ចាន់ថុល រដ្ឋមន្ត្រីក្រសួងសាធារណការ បាននិយាយថា ស្ពាននេះអាចជួយសម្រួលដល់ការធ្វើដំណើរ និងអាជីវកម្មរបស់ប្រជាពលរដ្ឋ។
លោកបានបញ្ជាក់ថា ស្ពាននេះបានចាប់ផ្ដើមសាងសង់នៅថ្ងៃទី៩ ខែកុម្ភៈ ឆ្នាំ ២០១៨ ហើយត្រូវចំណាយពេល ៤២ខែ ទើបរួច និងចំណាយថវិកាប្រហែល ៦០ លានដុល្លារ។
លោកបានបន្តថា៖ «ស្ពាននេះពិតជាមានប្រយោជន៍សម្រាប់ប្រជាពលរដ្ឋ» ដោយលោកបានបន្ថែមទៀតថា ប្រជាពលរដ្ឋគួរតែគោរពច្បាប់ចរាចរណ៍ និងកុំផ្ទុកទំនិញលើសទម្ងន់ ដើម្បីបញ្ចៀសនូវការខូចខាតស្ពាន។
ដោយឡែក ក្នុងពិធីនោះ ក៏មានការប្រកាសអំពីការបើកការដ្ឋានសាងសង់ផ្លូវលេខ ៧១C ដែលចំណាយថវិកាប្រមាណ ១៣០ លានដុល្លារផងដែរ៕
