នៅព្រឹកថ្ងៃអង្គារ ១៥កើត ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២១ ខែកញ្ញា ឆ្នាំ២០២១ ឯកឧត្តម ឈួន វ៉ន់ អគ្គនាយកដ្ឋាន នៃអគ្គនាយកដ្ឋានដឹកជញ្ជូនផ្លូវគោក និងជាអគ្គលេខាធិការរងអចិន្ត្រៃយ៍នៃគ.ស.ច.គ និងដោយមានការដឹកនាំពី ឯកឧត្តម តូច ចាន់កុសល រដ្ឋលេខាធិការប្រចាំការ ក្រសួងសារធារណការ និងដឹកជញ្ជូន និងជាអនុប្រធានអនុគណៈកម្មការទី១ តំណាងដ៏ខ្ពង់ខ្ពស់ ឯកឧត្តម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន និងជាអនុប្រធានអចិន្ដ្រៃយ៍ គ.ស.ច.គ. បានអញ្ជើញចូលរួមក្នុងកិច្ចប្រជុំបូកសរុបការងារសុវត្ថិភាពចរាចរណ៍ផ្លូវគោកឆមាសទី១ និងលើកទិសដៅការងារឆមាសទី២ ឆ្នាំ២០២១ របស់គណៈកម្មាធិការជាតិសុវត្ថិភាពចរាចរណ៍ផ្លូវគោក(គ.ស.ច.គ.) ក្រោមអធិបតីដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ.) ។ គួរបញ្ជាក់ថា កិច្ចប្រជុំតាមប្រព័ន្ធវីដេអូនាពេលព្រឹកនេះ ដោយមានការចូលរួមពីសមាជិក សមាជិកា គ.ស.ច.គ. អនុគណៈកម្មការទី១ អនុគណៈកម្មការទី២ អគ្គលេខាធិការដ្ឋាន អនុគណៈកម្មការសុវត្ថិភាពចរាចរណ៍ផ្លូវគោករាជធានីខេត្ត រដ្ឋលេខាធិការ អនុរដ្ឋលេខាធិការ ក្រសួងមហាផ្ទៃ និងក្រសួងសាធារណការ និងដឹកជញ្ជូន អគ្គស្នងការដ្ឋាននគរបាល អគ្គនាយកដ្ឋានដឹកជញ្ជូនផ្លូវគោក ក្រសួង ស្ថាប័នពាក់ព័ន្ធ អភិបាលធានី ខេត្ត ស្នងការនគរបាលរាជធានី ខេត្ត មន្ទីរសាធារណការ និងដឹកជញ្ជូន រាជធានីខេត្ត និងអ្នកពាក់ព័ន្ធជាច្រើនរូបទៀត សរុបប្រមាណ១៦៤នាក់។