ឯកឧត្តមរដ្ឋលេខាធិការ សួង ហេង ដឹកនាំក្រុមការងារជំនាញក្រសួងជួបប្រជុំតាមប្រព័ន្ធវីដេអូពីចម្ងាយ ជាមួយតំណាងក្រសួងសេដ្ឋកិច្ច និងហិរញ្ញវត្ថុ ដើម្បីការពារគម្រោងថវិកាកម្រិតថ្នាក់ដឹកនាំក្រសួងលើ គម្រោងផែនការចំណូល-ចំណាយថវិកា ឆ្នាំ២០២២ ថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២ ខែកញ្ញា ឆ្នាំ២០២១ នៅទីស្តីការក្រសួង ឯកឧត្តម សួង ហេង រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារជំនាញចូលរួមកិច្ចប្រជុំពិភាក្សាការពារគម្រោងថវិកាកម្រិតថ្នាក់ដឹកនាំក្រសួង លើគម្រោងផែនការចំណូល-ចំណាយថវិកា ឆ្នាំ២០២២ ជាមួយឯកឧត្តម ចាន់ សុធី រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ។ កិច្ចប្រជុំនេះត្រូវបានរៀបចំឡើងក្នុងគោលបំណងពិនិត្យ និងពិភាក្សាលម្អិតលើគម្រោងចំណូល-ចំណាយ ថវិកាសម្រាប់ការគ្រប់គ្រងឆ្នាំ២០២២ របស់គ្រប់អង្គភាពថវិកាក្រោមឱវាទក្រសួងសាធារណការ និងដឹកជញ្ជូន សំដៅធានាឱ្យបាននូវគុណភាព ប្រសិទ្ធភាព និងភាពគ្រប់ជ្រុងជ្រោយ ស្របតាមបទដ្ឋាន និងនីតិវិធីហិរញ្ញវត្ថុជាធរមាន៕