ទេសរដ្ឋមន្ត្រី ស៊ុន ចាន់ថុល ប្រកាសដាច់អង្ការប្រឆាំងការចង់ដឹកលើសទម្ងន់ (សៀមរាប)៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រកាសដាច់អង្ការប្រឆាំងការចង់ដឹកលើសទម្ងន់ របស់ក្រុមអ្នកបើកឡានធុនធំ ដែលបានធ្វើបាតុកម្មតវ៉ាសុំដំឡើងទម្ងន់ក្នុងការដឹកជញ្ជូន។ ក្នុងឱកាសសម្ពោធបើកឱ្យដំណើរការជាផ្លូវការមណ្ឌលផ្តល់សេវាសាធារណៈក្រសួងសាធារណការ និងដឹកជញ្ជូន នៅផ្សារទំនើបហេរីថេក វ៉ក ជាន់ទី២ ក្នុងខេត្តសៀមរាប កាលពីថ្ងៃទី២១ ខែកក្កដាកន្លងទៅ លោកទេសរដ្ឋមន្ត្រី បានថ្លែងថា ច្បាប់ទាក់ទងនឹងការចាប់រថយន្តលើសទម្ងន់នេះ គឺមានការឯកភាពពីគណៈរដ្ឋមន្ត្រី ដែលបញ្ជូនទៅសភាអនុម័ត បញ្ជូនទៅព្រឹទ្ធសភា និងមានការឡាយព្រហស្តលេខាឱ្យប្រើប្រាស់ដោយព្រះមហាក្សត្រ។ ដូចនេះបើច្បាប់នេះនៅតែមានជាធរមាន មិនអាចអនុញ្ញាតឱ្យដឹកជញ្ជូនលើសទម្ងន់បានឡើយ។