ភ្នំពេញ៖ គិតត្រឹមថ្ងៃទី២៣ ខែកក្កដា ឆ្នាំ២០២១ ការដ្ឋានសាងសង់ស្ពានឫស្សីកែវ ឆ្លងកាត់ទន្លេសាប សម្រេចលទ្ឋផលបាន ៥០% នៃគម្រោង។ តាមផែនការ គម្រោងនឹងបញ្ចប់ការសាងសង់ទាំងស្រុងនៅខែមីនាឆ្នាំ២០២៣ ។ នេះបើតាមផ្សាយរបស់ មន្ទីរសាធារណការរាជធានីភ្នំពេញ ។គម្រោងស្ពាននេះ នឹងបង្កើតលំហូរចរាចរថ្មី តភ្ជាប់ពីផ្លូវជាតិលេខ៥ នៃខណ្ឌឫស្សីកែវ និងផ្លូវជាតិលេខ៦ នៃខណ្ឌជ្រោយចង្វារ ហើយក៏ជាការបង្កើតផ្លូវថ្មី តភ្ជាប់ចរាចរ ក្នុងទីក្រុងទៅពហុកីឡដ្ឋានជាតិ មរតកតេជោដែលកម្ពុជា នឹងទទួលរៀបចំធ្វើជាម្ចាស់ផ្ទះ នៃព្រឹត្តិការណ៍ប្រកួតកីឡា SEA GAME 2023 នាពេលខាងមុខ ។ស្ពានឫស្សីកែវ ឆ្លងកាត់ទន្លេសាប សាងសង់ឡើងនៅក្បែរស្ពានបាឡេ ឬស្ពានដែកចាស់ ក្នុងខណ្ឌឫស្សីកែវ៕