នៅថ្ងៃចន្ទ ៤រោច ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី ២៨ ខែមិថុនា ឆ្នាំ២០២១ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានផ្តល់កិច្ចសម្ភាសន៍ ក្នុងដំណើរអញ្ជើញដឹកនាំគណៈប្រតិភូក្រសួង និងក្រុមការងារបច្ចេកទេស ចុះពិនិត្យវឌ្ឍនភាពការងារគម្រោងសាងសង់ស្ថាបនាផ្លូវ ៣៨ខ្សែ នៅក្រុងសៀមរាប ខេត្តសៀមរាប ដោយមានការចូលរួមពីគ្រប់ផ្នែកពាក់ព័ន្ធផងដែរ។ សូមបញ្ជាក់ថា ការចុះពិនិត្យនេះគឺក្នុងគោលបំណង ដើម្បីពិនិត្យលើការសាងសង់ និងវឌ្ឍនភាពការងារ ធ្វើយ៉ាងណាឱ្យមាននូវគុណភាព អាចប្រើប្រាស់យូអង្វែង និងស្របតាមស្តង់ដារបច្ចេកទេសត្រឹមត្រូវ ហើយអាចសម្រេចទៅតាមលទ្ធផលនៃផែនការគ្រោងទុករបស់ក្រសួង៕