ឯកឧត្តម ប៉េង ពោធិ៍នា អនុប្រធាន ស.ស.យ.ក. វិស័យសាធារណការ និងដឹកជញ្ជូន បានដឹកនាំ សមាជិក អញ្ជើញគោរពវិញ្ញាណក្ខ័ន្ធ និងដាក់កម្រងផ្កាដល់សព ឯកឧត្តម ត្រាំ អ៊ីវតឹក ទេសរដ្ឋមន្រ្តីទទួលបន្ទុកបេសកកម្មពិសេស នៅថ្ងៃទី០៣ ខែមិថុនា ឆ្នាំ២០២១ ឯកឧត្តម ប៉េង ពោធិ៍នា អនុប្រធាន ស.ស.យ.ក. វិស័យសាធារណការ និងដឹកជញ្ជូន បានដឹកនាំ សមាជិក អញ្ជើញគោរពវិញ្ញាណក្ខ័ន្ធ និងដាក់កម្រងផ្កាដល់សព ឯកឧត្តម ត្រាំ អ៊ីវតឹក ទេសរដ្ឋមន្រ្តីទទួលបន្ទុកបេសកកម្មពិសេស ដែលពិធីបុណ្យសពប្រព្រឹត្តទៅនៅគេហដ្ឋានសព ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ ក្នុងបរិយាកាសដ៏សែនក្រៀមក្រំនេះ ឯកឧត្តម និងក្រុមការងារ ស.ស.យ.ក.វិស័យសាធារណការ និងដឹកជញ្ជូន សូមសម្តែងនូវសមានទុក្ខ សោកស្តាយអាឡោះអាល័យជាមួយក្រុមគ្រួសារនៃសព ដែលបាត់បង់ ស្វាមី ឪពុក ឪពុកក្មេក និងជីតា ប្រកបដោយព្រហ្មវិហារធម៌ក្នុងពេលនេះ។ ក្រុមការងារ ស.ស.យ.ក.វិស័យសាធារណការ និងដឹកជញ្ជូន ទាំងអស់គ្នា សូមបួងសួងសូមវិញ្ញាណក្ខ័ន្ធឯកឧត្តម ទេសរដ្ឋមន្រ្តី បានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ៕