នៅថ្ងៃអង្គារ ៧ កើត ខែជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៨ ខែឧសភា ឆ្នាំ២០២១ វេលាម៉ោង៩ និង០០នាទីព្រឹក ឯកឧត្តម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានដឹកនាំកិច្ចប្រជុំជាមួយមន្ទីរសាធារណការ និងដឹកជញ្ជូន ខេត្តតាកែវ ខេត្តត្បូងឃ្មុំ និងខេត្តក្រចេះ ដើម្បីស្តាប់ការបំភ្លឺពាក់ព័ន្ធនឹងករណីស្នើសុំបញ្ជាក់នីត្យានុកូលភាពបណ្ណបើកបរយានយន្តរបស់ជនជាតិខ្មែរ ដោយស្ថានទូតសាធារណេដ្ឋទូតកូរ៉េ ប្រចាំព្រះរាជាណាចក្រកម្ពុជា។ កិច្ចប្រជុំនេះ ក៏មានការចូលរួមពី លោកអគ្គនាយករង លោកស្រីប្រធាន លោកអនុប្រធាននាយកដ្ឋានដឹកជញ្ជូនផ្លូវគោក តំណាងមន្ទីរសាធារណការ និងដឹកជញ្ជូន ខេត្តទាំងបី និងមន្ត្រីពាក់ព័ន្ធផងដែរ។