វគ្គបណ្តុះបណ្តាលស្តីអំពីការគិតវិជ្ជមាន (Positive Mindset) ដល់មន្ត្រីនៃនាយកដ្ឋានព័ត៌មានវិទ្យា និងទំនាក់ទំនងសាធារណៈ ថ្ងៃសុក្រ ៨កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែកុម្ភៈ ឆ្នាំ២០២១ នៅទីស្តីការក្រសួងសាធារណការ និងដឹកជញ្ជូន លោក Peter Bachner ទីប្រឹក្សាផ្ទាល់របស់ ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និង ដឹកជញ្ជូន បានធ្វើបទបង្ហាញ និង ឧទ្ទេសនាមយ៉ាងពិស្តារអំពីមេរៀនបទពិសោធន៏ គំនិតវិជ្ជមាន (Positive Mindset) ដល់ថ្នាក់ដឹកនាំនិងមន្ត្រីរាជការរបស់នាយកដ្ឋានព័ត៌មានវិទ្យា និងទំនាក់ទំនងសាធារណៈ សរុបចំនួន៤០នាក់។ គួរបញ្ជាក់ផងដែរថា វគ្គបណ្តុះបណ្តាលនេះ កើតមានឡើង ដោយសារមានការជ្រំជ្រែងផ្ទាល់ពី លោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ ក្នុងគោលបំណង ដើម្បីបណ្តុះនូវគំនិតវិជ្ជមានដល់មន្ត្រីនាយកដ្ឋានអោយចេះកសាងសមត្ថភាពទៅតាមបរិបទការងារ ពង្រឹងនូវចំណេះដឹងនិងភាពជាអ្នកដឹកនាំ ចេះជួយគ្នាទៅវិញទៅមក ចេះចែករំលែកនូវសេចក្តីស្រលាញ់ ផ្តល់ទំនុកចិត្ត ការគាំទ្រ ការលើកទឹកចិត្ត ទៅដល់សហការី មិត្តភក្តិ គ្រួសារ សហគមន៍ និង សង្គមជាតិផងដែរ។ ជាចុងក្រោយ លោក Peter ក៏បានផ្តល់ជូននូវបទពិសោធន៍ផ្ទាល់ខ្លួន និង ដំបូន្មានល្អៗដល់មន្ត្រីដែលបានចូលរួម ទាក់ទងទៅនឹងការពង្រឹងឥរិយាបថ ការងារនៅក្នុងនាយកដ្ឋានដោយចាប់ផ្តើមពីការកែលម្អទៅលើទំនាក់ទំនងសាមគ្គីភាពរវាងក្រុមការងារ ជុំរុញឱ្យមានភាពក្លាហានក្នុងការបំពេញការងារ យកចិត្តទុកដាក់ ហ៊ានសម្រេចចិត្ត ហ៊ានសួរយោបល់ និងខិតខំប្រឹងប្រែងធ្វើការងារឱ្យបានល្អ ព្រមទាំងការត្រៀមខ្លួនផ្លាស់ប្តូរផ្នត់គំនិតឱ្យប្រសើរល្អឡើងជានិច្ច ដើម្បីកសាងស្នាដៃសម្រាប់អ្នកជំនាន់ក្រោយ រួមទាំងចូលរួមកសាងជាតិមាតុភូមិផងដែរ។