រដ្ឋបាលខណ្ឌឫស្សីកែវ កាលពីថ្ងៃទី២៥ ខែមករា ឆ្នាំ២០២១ បានចេញសេ​ចក្តីជូនដំណឹង ពីការបញ្ចៀសការកកស្ទះចរាចរណ៍នៅផ្លូវជាតិលេខ៥ ចាប់ពីផ្លូវ​ចំណុចធនាគារអេសុីលីដា ស្ថិតក្នុងភូមិស្ពានខ្ពស់ រហូតដល់ការ៉ាស់សាំងតូតាល់ មុខសាលាខណ្ឌឬស្សីកែវ សង្កាត់គីឡូម៉ែត្រលេខ៦ ដោយសារមន្ទីរសាធារណ:ការដឹកជញ្ជូនរាជធានីភ្នំពេញ ជួសជុល និងពង្រីកផ្លូវ ដោយចំនាយពេល៣០ថ្ងៃ គឺគិតចាប់ពីថ្ងៃទី ២៥ ខែមករា ឆ្នាំ២០២១រហូតតទៅ ដើម្បីឲ្យបងប្អូនងាយស្រួលក្នុងការធ្វើដំណើរ ។ រដ្ឋបាលខណ្ឌ បាន​ស្នើ​ឲ្យអ្នកធ្វើដំណើរទាំងអស់ ​វាងទៅផ្លូវ៥៩៨ ឬ ផ្លូវឯកឧត្តម ជាសុផារ៉ា​ ជាបណ្តោះអាសន្នវិញ។