យោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជូនខេត្តកណ្តាល បានឲ្យដឹងថា៖ ចាប់ពីថ្ងៃទី២២នេះតទៅ ផ្លូវក្នុងខេត្តកណ្តាល បើកដំណើរជាធម្មតា លើកលែងផ្លូវជាតិលេខ២, លេខ២០ និងផ្លូវលេខ៣៤ តែហាមរថយន្តដឹកទំនិញធុនធំ។ មន្ទីរសាធារណការ និងដឹកជញ្ជូនខេត្តកណ្តាល បានជម្រាបជូនដំណឹងថា៖ ដោយស្ថានភាពទឹកជំនន់បានស្រកផុតអស់ពីតួផ្លូវ មន្ទីរសាធារណការ និងដឹកជញ្ជូនខេត្តកណ្តាល បានអនុញ្ញាតិអោយយានយន្តគ្រប់ប្រភេទ ធ្វើចរាចរជាធម្មតានៅលើកំណាត់ផ្លូវជាតិ ផ្លូវខេត្ត ក្នុងភូមិសាស្រ្តខេត្តកណ្តាល ចាប់ពីថ្ងៃទី ២២ ខែតុលា ឆ្នាំ២០២០ នេះតទៅ លើកលែងតែកំណាត់ផ្លូវជាតិលេខ២ , ផ្លូវជាតិលេខ២០ និងផ្លូវលេខ 1KD9 (លេខ៣៤) ត្រូវហាមឃាត់ការធ្វើចរាចរណ៍ ចំពោះរថយន្តដឹកទំនិញធុនធំ មួយរយៈពេលទៀតរហូតដល់ទឹកបានស្រកផុតអស់ពីចិញ្ចើមផ្លូវ និងជាយផ្លូវ។