នៅព្រឹកថ្ងៃច័ន្ទ ទី ០៥ ខែតុលា ឆ្នាំ ២០២០ ឯកឧត្តម ជាម ហុីម ប្រធានក្រុមប្រឹក្សាខេត្តព្រះសីហនុ និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញអមដំណើរឯកឧត្ដម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ និងជាប្រធានគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) ឯកឧត្តម ទេសរដ្ឋមន្ត្រី រដ្ឋមន្ត្រី និងឯកឧត្តមបណ្ឌិតសភាចារ្យ ហ៊ីង ថូរ៉ាក់ស៊ី រដ្ឋលេខាធិការប្រចាំការ និងជាសមាជិកគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ចុះពិនិត្យវឌ្ឍនភាពនៃការស្ថាបនាក្រុង ៣៤ ខ្សែ នៅខេត្តព្រះសីហនុ ទទួលបានលទ្ធផលដូចខាងក្រោម៖ ១. ការងារចាក់បេតុងសម្រេចបាន ១០០% ២. ការងារដាក់លូតាមសម្រេចបាន ១០០% ៣. ការងាររៀបចំរណបសម្រេចបាន ៣០, ៥% ៤. ការងាររៀបខឿនក្រានីតសម្រេចបាន ៨៥, ៨៣ % ៥. ការងាររៀបចំកម្រាលក្រានីតសម្រេចបាន ៤៩, ៦៧ % ៦. ការងារដំឡើងបង្គោលភ្លើងតាមដងសម្រេចបាន ៨០,២៨ % ៧. ការងារបំពាក់អំពូលភ្លើងតាមដងសម្រេចបាន ៦៧,៧៥% ៨ ការងារបំពាក់កាមេរ៉ាសុវត្ថិភាពសម្រេចបាន ១៥% ៨. ការងារដំឡើងភ្លើងស្អប់ចរាចរណ៍សម្រេចបាន ៤៥ % ១០. ការងារដាំដើមឈើនិងផ្កាក្រដាសសម្រេចបាន ៥០,១០% សូមបញ្ជាក់ថា ការស្ថាបនាខាងលើ គឺជា ការអនុវត្តតាមបទបញ្ជាដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាសម័យ ប្រជុំពេញអង្គតណៈរដ្ឋមន្ត្រីកាលពីថ្ងៃទី ៣០ ខែសីហា ឆ្នាំ ២០១៩ និងបានចាប់ដំណើរការការដ្ឋានសាងសងចាប់ពីថ្ងៃទី១៦ ខែវិច្ឆិកា ឆ្នាំ២០១៩ ៕