ឯកឧត្តមរដ្ឋលេខាធិការ ប៉ាល់ ចន្ទតារា ដឹកនាំកិច្ចប្រជុំពិនិត្យពិភាក្សាបន្តលើការរៀបចំសេចក្តីព្រាងច្បាប់ ស្តីពីទឹកកខ្វក់ និងប្រព័ន្ធលូ ដើម្បីពិនិត្យលើការប្រើប្រាស់ពាក្យពេចន៍ ឃ្លាឃ្លោង និងខ្លឹមសារទាក់ទងនឹង ជំពូកទី៤ ស្តីពីបទប្បញ្ញាត្តិទូទៅ មាត្រា១០-១១ ថ្ងៃពុធ ១រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៥ ខែសីហា ឆ្នាំ២០២០ នៅទីស្ដី ការក្រសួង ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាបន្តលើសេចក្តីព្រាងច្បាប់ស្តីពីទឹកកខ្វក់ និងប្រព័ន្ធលូ ដោយមានការចូលរួមពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធ។ អង្គប្រជុំបានពិភាក្សាលើការប្រើប្រាស់ពាក្យពេចន៍ ឃ្លាឃ្លោង និងខ្លឹមសារទាក់ទងនឹងជំពូកទី៤ ស្តីពីបទ ប្បញ្ញាត្តិទូទៅ មាត្រា១០-១១ នៃសេចក្តីព្រាងច្បាប់ស្ដីពីទឹកកខ្វក់ និងប្រព័ន្ធលូ សំដៅរៀបចំសេចក្ដីព្រាង ច្បាប់នេះឱ្យលេចចេញជារូបរាងឡើងប្រកបដោយភាពច្បាស់លាស់ឈរលើគោលការណ៍រួម មាន អត្ថន័យនិងខ្លឹមសារគ្រប់គ្រាន់ ដើម្បីដាក់ឆ្លងកិច្ចប្រជុំអន្តរក្រសួងឱ្យបានឆាប់តាមដែលអាចធ្វើបាន។ ឯកឧត្តមរដ្ឋលេខាធិការ បានជំរុញលើកទឹកចិត្តឱ្យសមាជិកសមាជិកាក្រុមការងារជំនួយការលេខាធិការ ដ្ឋានរៀបចំកិច្ចប្រជុំឱ្យបានញឹកញាប់ ដើម្បីពន្លឿនការរៀបចំសេចក្ដីព្រាងច្បាប់នេះមានសន្ទុះទៅមុខកាន់តែលឿន និងរក្សាទុកចំណុចណាដែលមិនទាន់ឯកភាពគ្នាជូនថ្នាក់ដឹកនាំលេខាធិការដ្ឋានពិនិត្យសម្រេច។ ជាមួយគ្នានេះផងដែរ ឯកឧត្តមរដ្ឋលេខាធិការ ប្រធានអង្គប្រជុំ បានថ្លែងអំណរគុណ និងកោតសរសើរ យ៉ាងជ្រាលជ្រៅដល់ក្រុមការងារជំនាញពាក់ព័ន្ធទាំងអស់ដែលបានខិតខំប្រឹងប្រែងចងក្រងឯកសារ និង សិក្សាករណីច្បាប់របស់ប្រទេសនានាបានល្អិតល្អន់និងស៊ីជម្រៅ ជាពិសេស ឯកសារគតិយុត្តពាក់ព័ន្ធទាំង ឡាយនៅកម្ពុជា។ សូមជម្រាបជូនថា៖ រាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កំពុងយកចិត្តទុកដាក់ខ្ពស់លើការលើក កម្ពស់ការផ្គត់ផ្គង់ទឹកស្អាតនិងអនាម័យ ដើម្បីធានាប្រយោជន៍សុខភាពសាធារណៈនៅក្នុងទីក្រុងឱ្យមាន ភាពប្រសើរឡើង និងចូលរួមចំណែកដល់ការធានាបាននូវបរិស្ថានស្អាតផងដែរ។ នៅពេលច្បាប់នេះចូលជាធរមាន រំពឹងថានឹងអាចចូលរួមដោះស្រាយបញ្ហាទាក់ទងនឹងស្តង់ដារគុណភាព បញ្ចេញទឹកកខ្វក់ពីស្ថានីយប្រព្រឹត្តកម្ម យន្តការកំណត់តម្លៃសេវាទឹកកខ្វក់ គំនិតផ្តួចផ្តើមនៃការដាក់ បញ្ចូលតម្លៃសេវាទឹកកខ្វក់ចូលក្នុងវិក្កយបត្រទឹកស្អាត និងពង្រឹងការផ្តល់សេវាការគ្រប់គ្រងសំណល់ ភក់ពីបង្គន់ជាដើម៕