ក្រោមការដឹកនាំដ៏ឈ្លៀសវៃប្រកបដោយកិត្តិបណ្ឌិតរបស់ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានណែនាំឲ្យអគ្គនាយកដ្ឋាន នាយកដ្ឋានជំនាញគិតគូរនូវអ្វីថ្មីៗ គំនិតច្នៃប្រឌិតល្អៗឆ្ពោះទៅរកទំនើបកម្ម បច្ចេកវិទ្យា ស្របតាមស្ថានភាពសង្គមជាក់ស្តែង។ ដោយមានកិច្ចសហការរវាងនាយកដ្ឋានដឹកជញ្ជូនផ្លវគោក និងនាយកដ្ឋានព័ត៌មានវិទ្យា និង ទំនាក់ទំនងសាធារណៈ បានសហការរៀបចំកម្មវិធីប្រលងយកបណ្ណបើកបរសម្រាប់អ្នកមិនចេះអក្សរ ឬចេះអក្សរខ្លះ (ម៉ូតូ និងឡាន) ដោយកម្មវិធីនេះ គឺជាកម្មវិធីដោយប្រើរូបភាព និងសំឡេង។ កម្មវិធីវិធីនេះ បានដាក់ឱ្យដំណើរការនៅថ្ងៃច័ន្ទទី ១៨ ខែឧសភា ឆ្នាំ២០២០ នេះហើយ។ សេចក្តីដូចបានជម្រាបជូន សូមបងប្អូនសាធារណជន សូមជួយផ្សព្វផ្សាយបន្ត។ សូមអរគុណ។