ការបង្ហាញពីការចុះបញ្ជី និងត្រួតពិនិត្យលក្ខណៈបច្ចេកទេសយានយន្ត នៅផ្សារទំនើបអ៊ីអន សែនសុខ ចាប់ពីថ្ងៃទី១-៧ តុលា ២០១៨ --- ចាប់ពីថ្ងៃទី១ ដល់ថ្ងៃទី៧ ខែតុលា ឆ្នាំ២០១៨ ក្រសួងសាធារណការ និងដឹកជញ្ជូន និង JICA (គម្រោងMVRI) បានកំពុងដាក់បង្ហាញរៀបចំកម្មវិធីអប់រំផ្សព្វផ្សាយ ស្តីអំពីការចុះបញ្ជី និងត្រួតពិនិត្យលក្ខណៈបច្ចេកទេសយានយន្ត សម្រាប់ពលរដ្ឋកម្ពុជា នៅច្រកចូលកណ្តាលនៃផ្សារទំនើបអ៊ីអន សែនសុខ។ ដំណើរការកម្មវិធីនឹងប្រព្រឹត្តិទៅដូចខាងក្រោម៖ • ការធ្វើបទបង្ហាញស្តីពីការចុះបញ្ជី និងត្រួតពិនិត្យលក្ខណៈបច្ចេកទេសយានយន្ត • ការប្រឹក្សាយោបល់លើសេវាសាធារណៈស្តីពីការចុះបញ្ជី និងត្រួតពិនិត្យលក្ខណៈបច្ចេកទេសយានយន្ត • ការចាក់បញ្ចាំងវីដេអូអប់រំផ្សព្វផ្សាយ សូមគោរពអញ្ជើញ ពលរដ្ឋគ្រប់រូបមកចូលរួមទទួលការយល់ដឹងនេះអោយបានច្រើនកុះករ។ គម្រោងក៏មានការប្រលងយករង្វាន់ក្នុងទំព័រហ្វេសប៊ុកផងដែរ សម្រាប់កម្មវិធីអប់រំផ្សព្វផ្សាយនេះ ហើយអ្នកឈ្នះអាចទទួលបានរង្វាន់ មានដូចជា (មួកសុវត្ថិភាព កាបូបយួរ និងប៊ិច)។ យើងខ្ញុំសង្ឃឹមថា ពលរដ្ឋគ្រប់រូបនឹងអញ្ជើញមកចូលរួមរីករាយជាមួយនឹងការទទួលយកចំណេះដឹងពីកម្មវិធីអប់រំផ្សព្វផ្សាយនេះ ដើម្បីជួយជំរុញឲ្យសង្គមនៃការប្រើប្រាស់យានយន្តក្នុងប្រទេសកម្ពុជាមានភាពល្អប្រសើរជាងមុន។