វេទិកាសាធារណៈថ្នាក់ជាតិ នៅភូមិពូត្រុំ សង្កាត់រមនា ក្រុងសែនមនោរម្យ មណ្ឌលគិរី៖ ដើម្បីត្រួតពិនិត្យនិងគាំទ្រការអនុវត្តកម្មវិធីនយោបាយ និងយុទ្ធសាស្ត្រ បញ្ចកោណ ដំណាក់កាលទី១ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា នាព្រឹកថ្ងៃទី២៥ ខែតុលា ឆ្នាំ២០២៤ ក្រុមការងាររាជរដ្ឋាភិបាលថ្នាក់ជាតិ ក្រុមការងារថ្នាក់ខេត្ត និងអាជ្ញាធរក្រុង បានរៀបចំវេទិកាសាធារណៈជាមួយប្រជាពលរដ្ឋ ដើម្បីចង់ដឹងពីសុខទុក្ខ បញ្ហាប្រឈម និងសំណូមពរនានា ។ វេទិកានេះធ្វើឡើងក្រោមវត្តមានលោកជំទាវ វី ស្រីពៅ រដ្ឋលេខាធិការក្រសួងអធិការកិច្ច និងជាអនុប្រធានក្រុមការងារចុះមូលដ្ឋានក្រុងសែនមនោរម្យ រួមទាំងលោក ហៀក សុផាន អភិបាលក្រុងសែនមនោរម្យ ប្រធានមន្ទីរ អនុប្រធានមន្ទីរអង្គភាពពាក់ព័ន្ធ កងកម្លាំងប្រដាប់អាវុធ អាជ្ញាធរមូលដ្ឋាន និងប្រជាពលរដ្ឋជាច្រើននាក់ ដែលប្រព្រឹត្តទៅនៅទីស្នាក់ការសហគមន៍ពូត្រុំ សង្កាត់រមនា ក្រុងសែនមនោរម្យ៕