ឯកឧត្ដមរដ្ឋលេខាធិការ ប៉ាល់ ចន្ទតារា បន្តដឹកនាំកិច្ចពិភាក្សារៀបចំសេចក្ដីព្រាងច្បាប់ស្ដីពីទឹកកខ្វក់ និងប្រព័ន្ធលូ ត្រង់ជំពូក៣ មាត្រា៩ មាត្រា១៧ថ្មី មាត្រា១៨ថ្មី និងបានកែសម្រួលពាក្យពេចន៍ឃ្លាឃ្លោងមួយចំនួនដើម្បីធានាបាននូវភាពត្រឹមត្រូវគ្រប់ជ្រុងជ្រោយ ងាយស្រួលបកស្រាយ និងអនុវត្ត ថ្ងៃសុក្រ ២រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៤ ខែកញ្ញា ឆ្នាំ២០២០ នៅទីស្ដីការក្រសួង ឯកឧត្ដម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូនបាន អញ្ជើញដឹកនាំកិច្ចពិភាក្សាបន្តដើម្បីពិនិត្យសេចក្ដីព្រាងច្បាប់ស្ដីពីទឹកកខ្វក់ និងប្រព័ន្ធលូ ដោយមានការ ចូលរួមពីសំណាក់ថ្នាក់ដឹកនាំជាន់ខ្ពស់ និងមន្ត្រីរាជការពីអង្គភាពពាក់ព័ន្ធក្រោមឱវាទទីស្ដីការក្រសួង។ កិច្ចប្រជុំបានពិភាក្សាលើជំពូក៣ មាត្រា៩ មាត្រា១៧ថ្មី មាត្រា១៨ថ្មី និងបានកែសម្រួលពាក្យពេចន៍ ឃ្លាឃ្លោងមួយចំនួនដើម្បីធានាបាននូវភាពត្រឹមត្រូវគ្រប់ជ្រុងជ្រោយ ងាយស្រួលបកស្រាយ និងអនុវត្ត។ ដោយឡែកមាត្រា១២ថ្មី អង្គប្រជុំបានសម្រេចឱ្យអគ្គនាយកដ្ឋានទឹកកខ្វក់ និងនាយកដ្ឋានជំនាញពិនិត្យឱ្យបានលម្អិតឡើងវិញ និងរាយការណ៍ជូនអង្គប្រជុំវិញនៅក្នុងកិច្ចប្រជុំសប្តាហ៍ក្រោយ៕