ថ្ងៃព្រហស្បតិ៍ ៧កើត ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៥ ខែកញ្ញា ឆ្នាំ២០១៩ កិច្ចប្រជុំពិភាក្សាលើការងារផ្តល់សេវាសាធារណៈដឹកជញ្ជូន (ការចុះបញ្ជីទោចក្រយានយន្ត) ការផ្សព្វផ្សាយពីអនុក្រឹត្យលេខ៧៣អនក្រ.បក ស្តីពីការចុះបញ្ជីផ្តល់បណ្ណសម្គាល់យានជំនិះ និងបំពាក់ផ្លាកលេខសម្គាល់យានជំនិះ ព្រមទាំងប្រកាស២៦២ប្រក.សក.ដជគ. ស្តីពីបែបបទនិងនីតិវិធីនៃការចុះបញ្ជីយានជំនិះ ការផ្តល់ផ្លាកលេខសម្គាល់យានជំនិះ និងការលុបយានជំនិះចេញពីបញ្ជីយានជំនិះជាមួយហាងលក់ម៉ូតូ ដែលបានទទួលអាជ្ញាបណ្ណពីក្រសួងសាធារណការ និងដឹកជញ្ជូន ក្រោមអធិបតីភាព ឯកឧត្តម ពៅ ម៉ាលី រដ្ឋលេខាធិការក្រសួងសាធារណការ និងដឹកជញ្ជូន ដោយមានការចូលរួមពីឯកឧត្តម ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោក លោកអគ្គនាយករង លោក លោកស្រី ប្រធាន អនុប្រធាននាយកដ្ឋាន ប្រធានការិយាល័យដោយមានការចូលរួមពីលោក លោកស្រី តំណាងហាងលក់ម៉ូតូ និងមន្ត្រីជំនាញសរុប១៦៥នាក់។ កិច្ចប្រជុំបានពិភាក្សា និងពិនិត្យលើរយៈពេលនៃការផ្តល់សេវា ឯកសារតម្រូវ កំរៃសេវាសាធារណៈ ធ្វើយ៉ាងណាឲ្យមានភាពងាយស្រួលរហ័ស តម្លាភាព ប្រកបដោយប្រសិទ្ធភាពជូនដល់អ្នកប្រើប្រាស់សេវា។ បច្ចុប្បន្នការផ្តល់សេវាសាធារណ:ដឹកជញ្ជូន នៅតាមហាងលក់យានយន្ត សរុបមានចំនួន២០៥ហាង មាននៅទូទាំងប្រទេស (ហាងម៉ូតូ ១៤៧ហាង , ហាងរថយន្ត ៥៧ហាង និងហាងលក់ម៉ូតូ រថយន្ត១ហាង) ៕