ស្ពានចំនួន៥ ឆ្លងកាត់ដងស្ទឹងសង្កែ ខេត្តបាត់ដំបងត្រូវបានសម្ពោធដាក់ប្រើប្រាស់ជាផ្លូវការហើយ — ស្ពានច្រាំងចោត ដែលស្ថិតនៅភូមិរូង ឃុំចែងមានជ័យ ស្រុកបាណន់ និងស្ពានចំនួន៤ទៀត នៅស្រុកសំឡូត ស្រុកបវិល ស្រុកឯកភ្នំ និងស្រុកកំរៀង ដែលឆ្លងកាត់ស្ទឹងសង្កែ និងស្ទឹងផ្សេៗទៀត ក្នុងភូមិសាស្ត្រទឹកដីខេត្តបាត់ដំបង ត្រូវបានសម្ពោធដាក់ ឱ្យប្រើប្រាស់ជាផ្លូវការ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អមដំណើរដោយ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី១៤ ខែសីហា ឆ្នាំ២០១៩។ ការកសាងស្ពានទាំង៥នេះជាយុទ្ធសាស្រ្តយ៉ាងសំខាន់ក្នុងការធ្វើសមាហរណកម្មការតភ្ជាប់ពេញលេញ ក្នុងភូមិសាស្ត្រ ខេត្តបាត់ដំបង ជំរុញការដឹកជញ្ជូនកសិផលទៅកាន់ទីផ្សារ និងចូលរួមចំណែកកាត់បន្ថយភាពក្រីក្រផងដែរ ។