ភ្នំពេញ ៖ ដើម្បីកាត់បន្ថយការកកស្ទះចរាណ៍ និងគ្រោះថ្នាក់ចរាណ៍ ប្រជាពលរដ្ឋធ្វើដំណើរ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូន បានថ្លែងថា សព្វថ្ងៃនេះមានក្រុមហ៊ុនចំនួន២ បាននឹងកំពុងសិក្សាផ្លូវល្បឿនលឿន ពីរាជធានីភ្នំពេញទៅខេត្តសៀមរាប ជាផ្លូវប្រភេទ DOC ។ ក្រោយបញ្ចប់ពិធីចុះហត្ថលេខាលើកិច្ចព្រមព្រៀងគម្រោងធ្វើឲ្យប្រសើរឡើងវិញកំណាត់ផ្លូវជាតិលេខ៥ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត) នៅរសៀលថ្ងៃទី២៨ ខែមករា ឆ្នាំ២០១៩ លោក ស៊ុន ចាន់ថុល បានអំពាវនាវឲ្យក្រុមហ៊ុនឯកជនមកវិនិយោគ ផ្លូវល្បឿនលឿនពីភ្នំពេញ ទៅសៀមរាប ឲ្យទៅជាផ្លូវជា៤គន្លង។ លោកមានប្រសាសន៍ថា “យើងមានក្រុមហ៊ុន២ កំពុងតែសិក្សាធ្វើផ្លូវថ្មីតែម្ដង ពីភ្នំពេញ ទៅសៀមរាប ជា៤គន្លង ជាផ្នែកឯកជន ជាប្រភេទ DOT”៕