សិក្ខាសាលាផ្សព្វផ្សាយ និងបណ្តុះបណ្តាលស្តីពី ការធ្វើបច្ចុប្បន្នភាពអំពីបែបបទ នីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យសាធារណការ និងដឹកជញ្ជូន ដល់មន្រ្តីអនុវត្តមុខងារនៅរដ្ឋបាលថ្នាក់ក្រោមជាតិ ពោធិ៍សាត់៖ នៅថ្ងៃអង្គារ-ពុធ ទី១៦-១៧ ខែមិថុនា ឆ្នាំ២០២៦ ឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការគណៈកម្មការដឹកនាំកំណែទម្រង់វិមជ្ឈការ និងវិហសមជ្ឈការ តំណាង ឯកឧត្តម ប៉េង ពោធិ៍នា រដ្ឋមន្រ្តី និងជាប្រធានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ បានចូលរួមជាអធិបតីពិធីបើក «សិក្ខាសាលាផ្សព្វផ្សាយ និងបណ្តុះបណ្តាលស្តីពី ការធ្វើបច្ចុប្បន្នភាពអំពីបែបបទ នីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យសាធារណការ និងដឹកជញ្ជូន ដល់មន្រ្តីអនុវត្តមុខងារនៅរដ្ឋបាលថ្នាក់ក្រោមជាតិ»។ កម្មវិធីសិក្ខាសាលាផ្សព្វផ្សាយ និងបណ្តុះបណ្តាលត្រូវបានផ្តល់កិត្តិយសអញ្ជើញធ្វើជាវាគ្មិនពីឯកឧត្តម នឹម សុធា អនុរដ្ឋលេខាធិការ ក្រុមការងារតំណាងអគ្គនាយកដ្ឋានដឹកជញ្ជូនផ្លូវគោក ក្រុមការងារតំណាងអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពងផែ ធ្វើបទបង្ហាញលើប្រធានបទសំខាន់ៗមាន៖១).ការផ្សព្វផ្សាយច្បាប់ស្តីពីការដឹកជញ្ជូនតាមផ្លូវទឹក និងអត្ថប្រយោជន៍នៃការដឹកជញ្ជូនតាមផ្លូវទឹក និងចុះបញ្ជីនាវានៅអង្គភាពច្រកចេញចូលតែមួយ ២).ចុះបញ្ជីនាវានៅអង្គភាពច្រកចេញចូលតែមួយ និងការិយាល័យច្រកចេញចូលតែមួយក្រុង ស្រុក) ៣).វឌ្ឍនភាព និងស្ថានភាពនៃការប្រើប្រាស់ប្រព័ន្ធស្វ័យប្រវតិកម្មពីរនៅតាមច្រកផ្តល់សេវា និងបណ្ណបើកបរទម្រង់ឌីជីថល ៤).ការចុះបញ្ជីយានយន្ត ប្តូរទុតិយតា តតិយតាបណ្ណសម្គាល់ និងផ្លាកលេខសម្គាល់យានយន្ត និង៥). ការត្រួតពិនិត្យលក្ខណៈបច្ចេកទេសត្រីចក្រយានយន្ត និងទោចក្រយានយន្តសណ្តោងរ៉ឺម៉ក់។ សិក្ខាកាម អញ្ជើញចូលរួមមានប្រធានអង្គភាពច្រកចេញចូលតែមួយ អភិបាលរងក្រុង ស្រុក ប្រធានការិយាល័យច្រកចេញចូលតែមួយ មន្រីអនុវត្តមុខងា និងប្រធាន អនុប្រធានមន្ទីរសាធារសាធារណការ និងដឹកជញ្ជូន មកពីរដ្ឋបាលខេត្តពោធិ៍សាត់ កំពង់ឆ្នាំង បាត់ដំបង់ កំពង់ធំ បន្ទាយមានជ័យ ឧត្តរមានជ័យ សៀមរាប និងរដ្ឋបាលខេត្តប៉ៃលិន និងការិយាល័យច្រកចេញចូលតែមួយនៃរដ្ឋបាលក្រុង ស្រុក ៦៧ និងសិក្ខាកាមសរុបមានចំនួន២៩០ នាក់ ស្រី៦៣នាក់។ សិក្ខាសាលារៀបចំឡើងក្នុងគោលបំណងបណ្តុះបណ្តាល ផ្សព្វផ្សាយ និងពង្រឹងសមត្ថភាពបន្ថែមទៀត ដើម្បីគាំទ្រផ្នែកបច្ចេកទេសដល់មន្រ្តីអនុវត្តមុខងារដែលបានផ្ទេរមុខងារទៅថ្នាក់ក្រោមជាតិ ក្នុងការលើកកម្ពស់សមត្ថភាពការផ្តល់សេវាសាធារណៈក្នុងវិស័យសាធារណការ និងដឹកជញ្ជូន នៅអង្គភាពច្រកចេញចូលតែមួយខេត្ត និងការិយាល័យច្រកចេញចូលតែមួយក្រុង ស្រុក ដើម្បីផ្តល់សេវាជូនប្រជាពលរដ្ឋប្រកបដោយប្រសិទ្ធភាព គុណភាព គណនយ្យភាព និងតម្លាភាព។ ជាពិសេសការផ្សព្វផ្សាយ និងការធ្វើបច្ចុប្បន្នភាពបទដ្ឋានគតិយុត្ត ការផ្លាស់ប្តូរបទពិសោធន៍ ចំណេះដឹង និងការដោះស្រាយបញ្ហាប្រឈមនានា៕