កិច្ចប្រជុំស្ដីពីការធ្វើអាជីវកម្មផ្ដល់សេវាតាមប្រព័ន្ធបច្ចេកវិទ្យាឌីជីថលសម្រាប់មធ្យោបាយដឹកជញ្ជូនផ្លូវគោកក្នុងប្រទេស ទីស្ដីការក្រសួង៖ នាថ្ងៃអង្គារ ទី២ ខែមិថុនា ឆ្នាំ២០២៦ ឯកឧត្ដម ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានដឹកនាំកិច្ចប្រជុំស្ដីពីការធ្វើអាជីវកម្មផ្ដល់សេវាតាមប្រព័ន្ធបច្ចេកវិទ្យាឌីជីថលសម្រាប់មធ្យោបាយដឹកជញ្ជូនផ្លូវគោកក្នុងប្រទេស ដើម្បីជំរុញក្រុមហ៊ុនធ្វើអាជីវកម្មផ្ដល់សេវាតាមប្រព័ន្ធបច្ចេកវិទ្យាឌីជីថលសម្រាប់មធ្យោបាយដឹកជញ្ជូនផ្លូវគោកក្នុងប្រទេសអនុវត្តឱ្យបានត្រឹមត្រូវតាមលិខិតបទដ្ឋានគតិយុត្តជាធរមាន ដោយមានការចូលរួមពីលោកអគ្គនាយករង លោក លោកស្រី ជាប្រធាននាយកដ្ឋាន - អនុប្រធាននាយកដ្ឋាន ប្រធាន- អនុប្រធានការិយាល័យ ព្រមទាំងតំណាងក្រុមហ៊ុនពាក់ព័ន្ធ ។ កិច្ចប្រជុំរៀបចំឡើងផ្ដោតសំខាន់លើការអនុវត្តឱ្យបានខ្ជាប់ខ្ជួនស្របតាមប្រកាសលេខ១០០ ប្រក.សក.ដជគ ចុះថ្ងៃទី២១ ខែមិថុនា ឆ្នាំ២០២១ ស្ដីពីលក្ខខណ្ឌ និងនីតិវិធីនៃការចេញលិខិតអនុញ្ញាតឱ្យក្រុមហ៊ុនធ្វើអាជីវកម្មផ្ដល់សេវាតាមប្រព័ន្ធបច្ចេកវិទ្យាឌីជីថលសម្រាប់មធ្យោបាយដឹកជញ្ជូនផ្លូវគោកក្នុងប្រទេស ដោយមិនត្រូវមានមធ្យោបាយផ្ទាល់ខ្លួន ដើម្បីដឹកជញ្ជូននោះទេ។ បន្ថែមពីនេះ ឯកឧត្ដមអគ្គនាយក បានក្រើនរំឮកដល់ក្រុមហ៊ុនទាំងអស់ ត្រូវពង្រឹង និងណែនាំដល់ដៃគូរអ្នកបើកបរឱ្យគោរពតាមច្បាប់ស្ដីពីចរាចរណ៍ផ្លូវគោកឱ្យបានខ្ជាប់ខ្ជួន ជាពិសេសអ្នកបើកបរទាំងអស់ ត្រូវតែមានបណ្ណបើកបរ។តំណាងក្រុមហ៊ុន បានគាំទ្រឱ្យមានការកំណត់តម្លៃ និងកម្រៃជើងសារ សម្រាប់ដៃគូបើកបរដែលអាចទទួលយកបាន មានសុវត្ថិភាព និងស្មើភាពក្នុងការប្រកួតប្រជែង ក្នុងបរិបទទីផ្សារសេរី និងសំណូមពរឱ្យមានការរៀបចំវគ្គបណ្តុះបណ្តាលវគ្គបណ្តុះបណ្តាលស្តីពីច្បាប់ចរាចរណ៍ផ្លូវគោក និងការបើកបរ ដើម្បីដៃគូបើកបរ (ម៉ូតូកង់បី) ដែលពុំទាន់មានបណ្ណបើកបរ អាចដាក់ពាក្យប្រឡងយកបណ្ណបើកបរ ក្នុងការចែករំលែកទិន្នន័យ របាយការណ៍ និងព័ត៌មានជាក់លាក់របស់ ម៉ូតូ ម៉ូតូកង់បី រថយន្តដឹកជញ្ជូន ដើម្បីផ្តល់ជូនក្រសួងសាធារណការ និងដឹកជញ្ជូន ឱ្យស្របតាមលិខិតបទដ្ឋានគតិយុត្តដែលបានកំណត់ផងដែរ៕