ភ្នំពេញ៖ក្នុងអាណត្តិទី៦នៃរាជរដ្ឋាភិបាលថ្មីនេះក្រសួងសាធារណៈការត្រៀមដាក់ឱ្យដំណើរការ Road Care App ឱ្យប្រជាពលរដ្ឋដោនឡូតយកមកប្រើប្រាស់សម្រាប់ថតសំបុកមាន់ឬជង្ហុកដែលខួចនៅលើថ្នល់ផ្ញើរមកក្រសួងដើម្បីឱ្យមន្ត្រីជំនាញនៅតាមតំបន់ចុះត្រួតពិនិត្យឬជួសជុលឡើងវិញ។ លោក ទេសរដ្ឋមន្ត្រី រដ្ឋមន្ត្រីក្រសួងសាធារណៈការមានប្រសាសន៍ថា ៖«យើងនឹងដាក់ឱ្យប្រើប្រាស់ App មួយដែលឱ្យប្រជាពលរដ្ឋទាំងអស់ដោនឡូត App នេះបើឃើញសំបុកមាន់ឬជង្ហុកនៅលើថ្នល់ គាត់អាចថត បញ្ជូនព័ត៌មាននេះមកក្រសួងសាធារណៈការបាន»។ លោកបញ្ជាក់ថា ៖«Appនេះធ្វើជិតចប់ហើយ។ខ្ញុំសង្ឃឹមថាខែក្រោយឬយ៉ាងយូរខែធ្នូ គឺមុន១០០ថ្ងៃក្រោយការបង្កើតរាជរដ្ឋាភិបាលកម្ពុជាអាណត្តិទី៦ យើងនឹងដាក់ឱ្យដំណើរការ Appនេះ ដើម្បីឱ្យបងប្អូនពលរដ្ឋទំាងអស់បានចូលរួមថែរក្សា ពេលឃើញសំបុកមាន់ អាចថតហើយផ្ញើរមក ក្រសួងហើយក្រសួងនិងផ្ញើរព័ត៌មាននេះ ទៅតាមមន្ទីរចុះធ្វើការត្រួតពិនិត្យ។ Appនេះពេលបញ្ជូនពីសំបុកមាន់មកភ្លាមវាចេញជារូបព័ណ៌ក្រហម យើងដឹងទីតំាងពិតប្រាកដ ថាតើសំបុក មាន់នោះនៅកន្លែងណា ហើយម៉ោងណាគាត់ថតសំបុកមាន់ផ្ញើរមកយើង។ពេលបាននូវព័ត៌មាននេះហើយយើង ផ្តល់ជូនទៅមន្ទីរឬមន្ត្រីជំនាញរបស់យើងចុះទៅពិនិត្យឬជួសជុលសំបុកមាន់នោះ»។ លោកបន្តថា ពេលយើងឱ្យព័ត៌មាននេះវាចេញទៅបង្ហាញជាព័ណ៌លឿង តែពេលជួសជុលចប់សព្វគ្រប់ ថតរូបផ្ញើរមកវិញចេញជាព័ណ៌បៃតង។ដូចនេះពេលបញ្ចេញ Appនេះទៅអត់មានលាក់លៀមសំបុកមាន់ណា យើងមិនធ្វើនោះទេឱ្យតែប្រជាពលរដ្ឋផ្ញើរមកយើងនឹងដឹងលឺទំាងអស់គ្នា ហើយខ្ញុំនឹងដាក់រូបថតប្រធាន មន្ទីរសាខាទំាង២៥ខេត្តក្រុង នេះឱ្យប្រជាពលរដ្ឋស្គាល់មុខថែមទៀត»។ ការដាក់ឱ្យដំណើរការនូវ Road Care Appឱ្យពលរដ្ឋចូលរួមផ្តល់ព័ត៌មានអំពី សំបុកមាន់ឬជង្ហុកនៅទៅទំាងប្រទេសនាពេលខាងមុខនេះ បើតាមលោកទេស រដ្ឋមន្ត្រីដោយសារលោកមិនអាចតាមមើលការងារទំាង២៥ខេត្ត ក្រុងនេះអស់ឡើយ។ លោកបញ្ជាក់ថា ៖«ខ្ញុំមិនអាចតាមមើលការងារទំាង២៥ខេត្តក្រុងទេ យើងពឹងផ្អែកទៅលើសេនាធិការរ បស់យើងគឺខេត្តក្រុងទំាងអស់»។ សូមជម្រាបថាទាក់ទងនិងការស្ថាបនាឬជួសជុលនៅក្នុងព្រះរាជាណាចក្រកម្ពុជា កន្លងមកមានប្រជាពលរដ្ឋជាច្រើនយល់ថាថ្នល់នៅកម្ពុជា ធ្វើមុខក្រោយឬធ្វើមិនបា នប្រើប្រាស់យូរប៉ុន្មានផងក៏ទៅវិញធ្វើឱ្យពលរដ្ឋនៅតែមានការលំបាកពេលធ្វើដំណើរដដែល។ ប៉ុន្តែរំពឹងថានៅពេលក្រសួងដាក់ឱ្យពលរដ្ឋចូលរួមផ្តល់នូវព័ត៌មានអំពី ឬសំបុកមាន់នាពេលខាងមុខ នឹងអាចចូលរួមកាត់បន្ថយការ ហើយអាចប្រើប្រាស់បានរយៈពេលយូរឆ្នំា ស្របទៅតាមប្តេជ្ញារបស់ថ្នាក់ដឹកនាំក្រសួងសាធារណៈការ៕