កិច្ចប្រជុំប្រកាសសមាសភាពអង្គភាពគ្រប់គ្រងគម្រោងពង្រឹងការតភ្ជាប់ភាពធន់នឹងអាកាសធាតុ ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទីស្ដីការក្រសួង៖ នាថ្ងៃចន្ទ ទី១១ ខែឧសភា ឆ្នាំ២០២៦ ឯកឧត្ដម សុខុម ភគវន្តមុនី រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំកិច្ចប្រជុំប្រកាសសមាសភាពអង្គភាពគ្រប់គ្រងគម្រោងពង្រឹងការតភ្ជាប់ភាពធន់នឹងអាកាសធាតុ ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការចូលរួមពី ឯកឧត្ដមអនុរដ្ឋលេខាធិការ ជានាយករងគម្រោង សមាជិក-សមាជិកាគម្រោង និងមន្ទីរពាក់ព័ន្ធក្រោមឱវាទក្រសួង។ កិច្ចប្រជុំនេះរៀបចំឡើងដើម្បីប្រកាសសមាសភាពអង្គភាពគ្រប់គ្រងគម្រោង (Project Management Unit - PMU) សម្រាប់ការសាងសង់របៀងផ្លូវចំនួន ២ខ្សែ៖ ១. ផ្លូវជាតិតភ្ជាប់ពីខេត្តបាត់ដំបងទៅខេត្តសៀមរាប និង ២.ផ្លូវជាតិលេខ ៦០បេ ដែលជាជំហានដ៏សំខាន់មួយក្នុងការចាប់ផ្តើមគម្រោងក្នុងដំណាក់កាលសិក្សាបច្ចេកទេស និងត្រៀមលក្ខណសម្បត្តិក្នុងការអនុវត្តគម្រោងប្រកបដោយប្រសិទ្ធភាព និងទាន់ពេលវេលា តាមរយៈការចាត់ចែង បែងចែកភារកិច្ច និងការទទួលខុសត្រូវច្បាស់លាស់ ដល់សមាជិក PMU ទាំងអស់ សំដៅធានាឱ្យការសាងសង់ហេដ្ឋារចនាសម្ព័ន្ធផ្លូវទាំងពីរខ្សែខាងលើប្រកបដោយគុណភាព ស្របតាមទៅបទដ្ឋានបច្ចេកទេស៕