ភ្នំពេញ៖រដ្ឋមន្ត្រីក្រសួងសាធារណៈការនិងដឹកជញ្ជូន បានឱ្យដឹងបច្ចុប្បន្នកម្ពុជាមានរថយន្តធុនធ្ងន់ដែល បានចុះបញ្ជីនៅក្រសួងមានជាង២២ម៉ឺនគ្រឿង តែ​អ្នកមានប័ណ្ណបើកបរប្រមាណ៥៩%នៃចំនួនរថយន្តធុនធ្ង ន់សរុប ខណៈរថយន្តធុនធ្ងន់ជាផ្នែ​កមួយបង្កគ្រោះ​ថ្នាក់ចរាចរណ៍និងធ្វើឱ្យខូច​ខាតទ្រ​ព្យស​ម្បត្តិជា​តិអស់រាប់រយលានដុល្លារក្នុងមួយឆ្នំាៗ។ ថ្លែងក្នុងពិធីដាក់ឱ្យដំណើរការមជ្ឈមណ្ឌលបណ្តុះបណ្តាលបើកបរយានយន្តធុនធ្ងន់កាលពីថ្ងៃទី ៣១តុលា ម្សិលមិញនេះ លោក ស៊ុនចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការនិងដឹកជញ្ជូនមានប្រសាសន៍ថា៖« រថយន្តធុនធ្ងន់ដែល​បានចុះបញ្ជីនៅក្រសួង​ចាប់ពីឆ្នំា១៩៩០ដល់ខែ​សីហាឆ្នំា២០១៨កន្លង​ទៅ​នេះ មានជាង២២ម៉ឺនគ្រឿង។ តែអ្នកមានប័ណ្ណបើកបរត្រឹមត្រូវមានប្រជាង៥៩% នៅក្នុងចំនួនរថយន្តដែលបា ន ចុះបញ្ជី មានន័យថា យើងមានអ្នក​បើកបរ​ខ្លះអត់មានប័ណ្ណបើកបរត្រឹមត្រូវទៅតាមប្រភេទរថយន្តនោះទេ»។ លោកលើកឡើងថា៖« កាលពីដើមខែតុលាកន្លងទៅនេះក្រសួងបានសហការគ្នាជាមួយក្រសួងមហាផ្ទៃ ធ្វើការត្រួតពិនិត្យមើលប័ណ្ណបើកបរ យើងរ​កឃើញ​មាន២៤%​ឬ២៥​% បើកបរគ្មានប័ណ្ណបរត្រឹមត្រូវតាមច្បាប់កំណត់ ហើយ១០%គ្មានប័ណ្ណបើករឬប្រើប័ណ្ណបើកបរក្លែងក្លាយ។ដូចនេះយើង​តម្រូវឱ្យអ្នក​បើកបរ​ទៅ​តាមប្រភេទរថយន្តដែលកំពុងបើកបរសព្វថ្ងៃ»។ លោកបញ្ជាក់ថា៖« មជ្ឈមណ្ឌលបណ្តុះបណ្តាលបើកបរយានយន្តធុនធ្ងន់នេះ ដើរតួសំខាន់ណាស់ដើម្បីបង្រៀនឱ្យអ្នកបើកបរយើងបានយល់ដឹងអំពីច្បាប់ទម្លាប់ ឱ្យមានប័ណ្ណបើកបរត្រឹមត្រូវតាមប្រភេទយានយន្តដែលបើកបរ ដើម្បីចូលរួមកាត់បន្ថយគ្រោះថ្នាក់ចរាចរណ៍។ព្រោះនៅកម្ពុជា​ដែលសព្វថ្ងៃនេះធ្វើ​ឱ្យមនុ​ស្សស្លាប់​៥នាក់ក្នុងមួយថ្ងៃនិងរបួសពី១៥ទៅ២០នាក់ក្នុងមួយថ្ងៃ និងធ្វើឱ្យខូចខាតទ្រព្យសម្បត្តិជាតិយើងក្នុងមួយឆ្នំា៣៥០លានដុល្លារ។ដូចនេះការបង្កើ​តសាលានេះចូ​លរួមកាត់បន្ថយគ្រោះថ្នាក់ចរាចរណ៍នៅកម្ពុជា»។ បើតាមយោងតាមក្រសួងសាធារណៈការនិងដឹកជញ្ជូន គ្រោះថ្នាក់ចរាចរណ៍ផ្លូវគោកប្រចំាឆ្នំា២០១៧ ចំនួនអ្នកស្លាប់ដោយគ្រោះថ្នាក់ចរាច​រណ៍មាន​១.៩៧៦នាក់ ក្នុងនោះអ្នកស្លាប់ដោយសាររថយន្តធុនធ្ងន់បង្កមានចំនួន១៩៨នាក់ស្មើនិង៩,៨% (រថយន្តដឹកអ្នកដំណើរធុនធ្ងន់៦៤,៤៣% ស្មើនិង១២៥នាក់ និងរថយន្តដឹកទំនិញធុនធ្ងន់៣% ស្មើនិង៦៩នាក់)។បើប្រៀបធៀបជាមួយអ្នកស្លាប់ដោយសាររថយន្តធុនធ្ងន់បង្ករនៅឆ្នំា២០១៦ ពោលកើនឡើង៧%​ស្មើនិ​ង១៤នាក់។បើតាមលោកទេសរដ្ឋមន្ត្រី កន្លងមកក្រសួងបានចេញអាជ្ញាប័ណ្ណទៅឱ្យសាលាបង្រៀនបើកបរ២៩សាលា ហើយគ្រោងដកហូតអាជ្ញាប័ណ្ណមកវិញ ដោយលោកជឿថាសាលាទំាងនោះគ្មានរថយន្តនិងគ្មានកម្មវិធីសម្រាប់បណ្តុះបណ្តាល ដល់អ្នកបើកបររថយន្តធុនធ្ងន់៕