គន្លងស្វ័យប្រវត្តិ ETC ជាគន្លងអាទិភាព នៅខាងឆ្វេងបង្អស់ អនុញ្ញាតឱ្យអ្នកធ្វើដំណើរចេញចូលបានលឿនរហ័ស ដោយមិនចាំបាច់រង់ចាំយូរ។ លោកអ្នកគ្រាន់តែបញ្ចូលសមតុល្យជាមុនតាមផ្លាកលេខទៅក្នុងកាត ETC មុនពេលប្រើប្រាស់។ នៅពេលលោកអ្នកទៅដល់ច្រក ETC រនាំងនឹងលើកឡើងដោយស្វ័យប្រវត្តិ ដែលវាពិតជាមានភាពងាយស្រួល និងចំណេញពេលវេលា។ ដើម្បីប្រើប្រាស់គន្លង ETC លោកអ្នកត្រូវចុះឈ្មោះប្រើប្រាស់ បំពាក់ឧបករណ៍ ETC នៅមជ្ឈមណ្ឌលផ្តល់សេវាកម្ម ETC ដែលមានទីតាំងនៅខាងស្តាំដៃបញ្ជរបង់ប្រាក់ភ្នំពេញ និងក្រុងព្រះសីហនុ ឬអាគាររដ្ឋបាលនៅគ្រប់ចូលផ្លូវល្បឿនលឿនទាំង៨ច្រក ឬជាមួយដៃគូធនាគាររបស់ក្រុមហ៊ុនផ្លូវល្បឿនលឿន ដូចជាធនាគារកាណាឌីយ៉ា ធនាគារអាយ ស៊ីប៊ីស៊ី（ICBC）និងទីតាំងកំណត់ដោយក្រសួងសាធារណការ និងដឹកជញ្ជូន ដោយនាំយកយានយន្តដែលត្រូវបំពាក់ទៅជាមួយ រួមនឹងឯកសារតម្រូវដូចជា៖ ១.អត្តសញ្ញាណប័ណ្ណ ២.វិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត(ឆៀក) ឬ ប័ណ្ណសម្គាល់យានយន្ត(កាតគ្រី) ។ សម្រាប់អតិថិជនដែលមានបំណងចង់បំពាក់ឧបករណ៍ ETC លោកអ្នកគ្រាន់តែបញ្ចូលទឹកប្រាក់ចំនួន ២០$ចូលទៅក្នុងគណនី ETC នោះលោកអ្នកនឹងទទួលបានឧបករណ៍ ETC ដោយឥតគិតថ្លៃ។ :: ទំនាក់ទំនង ព័ត៌មានសេវាកម្ម៖ 023 263 151