កិច្ចប្រជុំពិភាក្សាលើសេចក្តីព្រាងគោលនយោបាយអភិវឌ្ឍន៍លំនៅឋានសង្គម និងលំនៅឋានតម្លៃសមរម្យ ទីស្ដីការក្រសួងសេដ្ឋកិច្ច និងហិរញ្ញវត្ថុ៖ នាព្រឹកថ្ងៃចន្ទ ទី២២ ខែធ្នូ ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញចូលរួមកិច្ចប្រជុំពិភាក្សាលើសេចក្តីព្រាងគោលនយោបាយអភិវឌ្ឍន៍លំនៅឋានសង្គម និងលំនៅឋានតម្លៃសមរម្យ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ស្ថាប័នពាក់ព័ន្ធ និងមន្រ្តីជំនាញ។ កិច្ចប្រជុំនេះមានគោលបំណងដើម្បីដាក់ចេញនូវវិធានការគាំទ្ររបស់រាជរដ្ឋាភិបាលចំពោះប្រជាជនដែលមានចំណូលទាប ដល់ប្រជាជនដែលមានចំណូលកម្រិតមធ្យម ដើម្បីទទួលបានលំនៅឋានតម្លៃសមរម្យ (តាមនិយមន័យលំនៅឋានមានតម្លៃសមរម្យជាលំនៅឋានដែលមានតម្លៃមិនលើសពី៣០% នៃប្រាក់ចំណូលប្រចាំខែក្នុងមួយគ្រួសារ ឬមិនលើសពី ៣ដងនៃប្រាក់ចំណូលប្រចាំឆ្នាំក្នុងមួយគ្រួសារ)៕