កិច្ចប្រជុំអេវ៉ាប់(AWap)លើកទី៤ ស្ដីពី “ភាពជាដៃគូក្នុងការគ្រប់គ្រងទឹកកខ្វក់នៅអាស៊ី ( The 4th General Meeting of ASIA Wastewater Management Partnership (AWaP))” ភ្នំពេញ៖ នារសៀលថ្ងៃអង្គារ ទី១៨ ខែវិច្ឆិកា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួងចូលរួមកិច្ចប្រជុំស្ដីពី “ភាពជាដៃគូក្នុងការគ្រប់គ្រងទឹកកខ្វក់នៅអាស៊ី (AWaP) លើកទី៤ ( The 4th General Meeting of ASIA Wastewater Management Partnership (AWaP))” សហការរៀបចំដោយក្រសួងសាធារណការ និងដឹកជញ្ជូន ក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍(MLIT) និងក្រសួងបរិស្ថានរបស់ប្រទេសជប៉ុន ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោក-លោកស្រី អគ្គនាយករង លោកប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់របស់ក្រសួងសាធារណការ និងដឹកជញ្ជូន ក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍(MLIT) របស់ប្រទេសជប៉ុននិងតំណាងប្រទេសជាសមាជិក AWap ចំនួន ០៤ ប្រទេស រួមមាន វៀតណាម ហ្វីលីពីន ឥណ្ឌូនេស៊ី និងប្រទេសបង់ក្លាដែស។ កិច្ចប្រជុំនេះរៀបចំឡើងដើម្បីពិភាក្សាអំពីបញ្ហា និងការផ្ដល់នូវដំណោះស្រាយសម្រាប់ការធ្វើឱ្យប្រសើរឡើងនូវការគ្រប់គ្រងសំណល់ទឹកកខ្វក់ និងការចែករំលែកនូវបទពិសោធន៍នៃការគ្រប់គ្រងទឹកកខ្វក់នៅកបណ្ដាប្រទេសនីមួយៗដែលជាសមាជិក AWaP ដើម្បីលើកកម្ពស់ការយល់ដឹងអំពីការគ្រប់គ្រងទឹកកខ្វក់ក្នុងគោលដៅអភិវឌ្ឍប្រកបដោយចីរភាព៕