ឡានធំបើកលើបណ្តាលឱ្យបាក់ស្ពានអូរឆ្លូង ក្នុងខេត្តក្រចេះ អាជ្ញាធរប្រកាសផ្អាកការធ្វើដំណើរឆ្លងកាត់បណ្តោះអាសន្ន ស្ពានអូរឆ្លូង ស្ថិតនៅក្នុងភូមិសែនអភិវឌ្ឍន៍ ឃុំគ្រញូងសែនជ័យ ស្រុកស្នួល ខេត្តក្រចេះ បានបាក់ទាំងស្រុង ដោយសាររថយន្តធុនធំដឹកកសិផលដំឡូងឆ្លងកាត់។ ដើម្បីបញ្ចៀសការធ្វើចរាចរណ៍ឆ្លងកាត់ និងគ្រោះថ្នាក់អាចកើតឡើងជាយថាហេតុ មន្ទីរសាធារណការ និង ដឹកជញ្ជូនខេត្តក្រចេះ ប្រកាសផ្អាកជាបណ្តោះអាសន្នយានយន្តគ្រប់ប្រភេទធ្វើដំណើរឆ្លងកាត់តាមទីតាំងស្ពានអូរឆ្លូង និងត្រូវធ្វើដំណើរតាមផ្លូវវាងឈ្មោះផ្លូវ១០៧ ស្ថិតក្នុងភូមិ១០៤ ឃុំគ្រញូងសែនជ័យ ស្រុកស្នួល រហូតដល់ការជួសជុលស្ពានបានរួចរាល់ឡើងវិញ៕