កាលពីព្រឹកថ្ងៃទី ៩ ខែកញ្ញា ឆ្នាំ ២០២៥ លោក ប៉ាង លីដា អភិបាលរងខណ្ឌពោធិ៍សែនជ័យ លោក វ៉ា សាវឿន ចៅសង្កាត់ចោមចៅទី ៣ និង លោក សុទ្ធ សុជាតិ ចៅសង្កាត់រងទី ១ ព្រមទាំងក្រុមការងារ បានចុះពិនិត្យ និងដាក់រថយន្តបូមលូ ប្រព័ន្ធលូ ១ ខ្សែ នៅតាមបណ្ដោយផ្លូវជាតិលេខ ៤ ត្រង់ចំណុចមុខ(ធនាគារ ABA) ដើម្បីសម្រួលចរន្តទឹកហូរបានលឿន ក្នុងភូមិសាស្ត្រភូមិព្រៃព្រីងខាងជើង ១ សង្កាត់ចោមចៅទី ៣ ខណ្ឌពោធិ៍សែនជ័យ។លោក វ៉ា សាវឿន បានឲ្យដឹងថា ដោយសារតែមានពលរដ្ឋមួយចំនួនតូចរស់នៅតំបន់នោះមិនរក្សាបាននូវបរិស្ថាន និងអនាម័យ ត្រឹមត្រូវ ដោយទុកដាក់សំរាមគ្មានសណ្ដាប់ធ្នាប់ ធ្វើឲ្យសំរាម កាកសំណល់ ធ្លាក់ចូលប្រព័ន្ធលូស្ទះចរន្តទឹកហូរជន់លិចដោយជំនន់ទឹកភ្លៀង។លោកចៅសង្កាត់ចោមចៅទី ៣ ក៏បានសំណូមពរដល់ប្រជាពលរដ្ឋទាំងអស់ក្នុងភូមិព្រៃព្រីងខាងជើង ១ ដែលរស់នៅអមតាមបណ្ដោយផ្លូវជាតិលេខ ៤ មេត្តាវេចខ្ចប់ទុកដាក់សំរាមឲ្យបានត្រឹមត្រូវ កុំបោះចោល ខ្លាចសំរាមទាំងនោះធ្លាក់ ឬ ហូរចូលប្រឡាយ និងមាត់លូ បង្កការកកស្ទះនូវចរន្តទឹកហូរ៕