បើបងប្អូនបានមកលេងមណ្ឌលគិរី កុំភ្លេចមកលេងហាងកាហ្វេដងអូរ ផងណា! កាហ្វេមណ្ឌលគិរីមានកេរ្តិ៍ឈ្មោះល្បី ដោយសារតែគុណភាព និងរសជាតិទទួលស្គាល់ពីពលរដ្ឋទូទៅ។ បច្ចុប្បន្ននេះ ដំណាំកាហ្វេ គឺជាប្រភេទដំណាំ ដែលកំពុងមានតម្រូវការខ្ពស់នៅក្នុងទីផ្សារ មិនថានៅក្នុងប្រទេស ឬក៏ក្រៅប្រទេសទេ។ ពាក់ព័ន្ធដំណាំកាហ្វេនៅខេត្តមណ្ឌលគិរី ពូជកាហ្វេអារ៉ាប៊ីកា ឃើញថាមានការពេញនិយម ហើយត្រូវបានដាំដុះច្រើននៅខេត្តមណ្ឌលគិរី។ តាមការស្រាវជ្រាវ ពូជកាហ្វេអារ៉ាប៊ីកា ធន់អាកាសធាតុ និងទទួលទិន្នផលខ្ពស់ ខណៈដែលភូមិសាស្ត្រទឹកដីខេត្តមណ្ឌលគិរីសមស្របសម្រាប់ការដាំពូជកាហ្វេនាំចូលពីបរទេសនេះ។ ចំណែកពូជកាហ្វេរ៉ូប៊ូស្តា ក៏មានភាពអំណោយផលសម្រាប់ការដាំដុះនៅកម្ពុជាផងដែរ ដោយអាចដាំបាននៅតំបន់ខ្ពស់រាបដូចមណ្ឌលគិរី អាកាសធាតុត្រជាក់ល្មម និងមានភ្លៀងច្រើន ដែលអាចឱ្យកសិករដាំដុះទទួលផលច្រើន៕ ប្រភពរូបភាពពី៖ Botanica Cafe