កិច្ចប្រជុំ (kick-off and wrap up Meeting) ជាមួយអ្នកជំនាញការ AIIB ដើម្បីពិនិត្យ ពិភាក្សាលើវឌ្ឍនភាពការងារ និងកិច្ចប្រជុំការងារពាក់ព័ន្ធគម្រោងហេដ្ឋារចនាសម្ព័ន្ធច្រកទ្វារព្រំដែន ទីស្តីការក្រសួង៖ នាថ្ងៃទី២៧-២៨ ខែឧសភា ឆ្នាំ២០២៥ លោកជំទាវ ឥម នីថារ៉ា រដ្ឋលេខាធិការ និងជានាយកគម្រោង បានអញ្ជើញដឹកនាំកិច្ចប្រជុំ (kick-off and wrap up meeting) ដើម្បីពិនិត្យ ពិភាក្សាលើវឌ្ឍនភាពការងារ និងកិច្ចប្រជុំការងារពាក់ព័ន្ធ គម្រោងហេដ្ឋារចនាសម្ព័ន្ធច្រកទ្វារព្រំដែន Cambodia Cross-border Connectivity Enhancement Project ( 3CEP ) ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ប្រធានគ្រប់គ្រងគម្រោង ថ្នាក់ដឹកនាំ ព្រមទាំងមន្ត្រីជំនាញមកពីអគ្គនាយកដ្ឋានពាក់ព័ន្ធដែលជាសមាជិកក្នុងការអនុវត្តគម្រោង។ គោលបំណងសំខាននៃកិច្ចប្រជុំនេះ គឺដើម្បីពិនិត្យ ពិភាក្សាវឌ្ឍនភាព លើផែនការដែលត្រូវបានអនុវត្ត ត្រូវអនុវត្តបន្ត ក្នុងគម្រោង និងលើកកម្ពស់ការងារ ឱ្យមានប្រសិទ្ធភាព និងគុណភាព។ សូមបញ្ជាក់ជូនថា គម្រោងហេដ្ឋារចនាសម្ព័ន្ធច្រកទ្វារព្រំដែន Cambodia Cross-border Connectivity Enhancement Project (3CEP) នៅព្រះរាជាណាចក្រកម្ពុជា ត្រូវបានគាំទ្រដោយរាជរដ្ឋាភិបាលកម្ពុជា ក្រោមហិរញ្ញបទានរបស់ធនាគារ Asian Infrastructure Investment Bank (AIIB) ដើម្បីអភិវឌ្ឍហេដ្ឋារចនាសម្ព័ន្ធនៅតាមព្រំដែន ឆ្លើយតបទៅនឹងការរីកចម្រើននៃសេដ្ឋកិច្ចកម្ពុជា និងការកើនឡើងនៃពាណិជ្ជកម្មតាមព្រំដែន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube