ឯកឧត្តម ខាន់ ម៉ាណេរ ដឹកនាំក្រុមការងារត្រួតពិនិត្យលក្ខណៈបច្ចេកទេសសុវត្ថិភាពចរាចរណ៍១០ទីតាំង លើផ្លូវជាតិលេខ៧១សេ កំពង់ចាម៖ នាព្រឹកថ្ងៃសុក្រ ទី២៥ ខែមេសា ឆ្នាំ២០២៥ ឯកឧត្តម ខាន់ ម៉ាណេរ រដ្ឋលេខាធិការ ក្រសួងសាធារណការ និងប្រធានក្រុមការងារត្រួតពិនិត្យលក្ខណៈបច្ចេកទេសសុវត្ថិភាពចរាចរណ៍ផ្លូវជាតិលេខ៧១សេ បានដឹកនាំក្រុមការងារបច្ចេកទេសចុះពិនិត្យទីតាំង ១០ទីតាំង លើផ្លូវជាតិលេខ៧១សេ ដោយមានការចូលរួមពី អភិបាលរង នៃគណអភិបាលខេត្តកំពង់ចាម ខេត្តត្បូងឃ្មុំ ប្រធានមន្ទីរសាធារណការ និងដឹកជញ្ជូនខេត្តកំពង់ចាម ខេត្តត្បូងឃ្មុំ តំណាងនាយកដ្ឋានសុវត្ថិភាពចរាចរណ៍ មន្រ្តីពាក់ព័ន្ធ និងតំណាងក្រុមហ៊ុន SCG និងWACC សរុបចំនួន១៧រូប ។ ក្នុងដំណើរបេសកកម្មនេះ ក្រុមការងារបច្ចេកទេស បានចុះពិនិត្យ១០ទីតាំង គឺផ្លូវប្រសព្វ និងទីតាំងរង្វង់មូលដែលមានគ្រោះថ្នាក់ចរាចរណ៍ជាញឹកញាប់ ។ ថ្លែងនាឱកាសនោះ ឯកឧត្ដមរដ្ឋលេខាធិការ និងជាប្រធានក្រុមការងារបច្ចេកទេស បានមានមតិណែនាំ និងស្នើសុំដល់ក្រុមការងារបច្ចេកទេសពាក់ព័ន្ធ បំពាក់ភ្លើងសញ្ញាចរាចរណ៍ នៅទីតាំងផ្លូវប្រសព្វ ទីតាំងបង្គោលគីឡូ លេខ ៦៦+៦៦០ និងបំពាក់ផ្លាកសញ្ញាតម្រូវងាកស្តាំ ភ្លើងសញ្ញាពណ៌លឿងភ្លឹបភ្លែត និងគំនូសសញ្ញានៅត្រង់រង្វង់មូលចំនួន ៤ទីតាំង រួមមាន៖ ទីតាំងបង្គោលគីឡូ លេខ ១+៥០០ ៦៣+៦០០ ៦៥+៥៦០ និង ៦៨+៧៦០ ស្នើសុំបំពាក់ទួលរលាក់ ភ្លើងសញ្ញាពណ៌លឿងភ្លឹបភ្លែត នៅទីតាំងផ្លូវប្រសព្វ ចំនួន ៥ទីតាំងរួមមាន ទីតាំងបង្គោលគីឡូលេខ ០+០០០ ១៦+៧៥០ ៣២+២០០ ៤១+៣០០ និង ៦៤+៥០០ ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube