តស់ទៅទស្សនាកម្សាន្តសត្វស្វាព្រៃ និងប្រភេទសត្វកម្រៗជាច្រើនទៀត នៅក្នុងដែនជម្រកសត្វព្រៃកែវសីមា! ដែនជម្រកសត្វព្រៃកែវសីមា ជាទីតាំងមួយដ៏សំខាន់សម្រាប់ជីវចម្រុះ និងសហគមន៍ជនជាតិដើមភាគតិចព្នង ដែលមានជីវភាពរស់នៅ ជំនឿ វប្បធម៌ ប្រពៃណីផ្សាភ្ជាប់ជាមួយនឹងធនធានធម្មជាតិដ៏សំបូរបែបនៅក្នុងតំបន់។ លើសពីនេះ ដែនជម្រកសត្វព្រៃកែវសីមា ជាជម្រករបស់សត្វព្រៃជាច្រើនប្រភេទ រួមមានប្រភេទសត្វកម្រៗ និងជិតផុតពូជ និងប្រភេទងាយរងគ្រោះជាច្រើនទៀត។ ចូលរួមទាំងអស់គ្នាក្នុងកិច្ចការពារអភិរក្សសត្វព្រៃ និងព្រៃឈើដែលជាសម្បត្តិដ៏មហាសាលដែលបុព្វបុរសយើងបានបន្សល់ទុក ដើម្បីបន្តអោយកូនចៅជំនាន់ក្រោយបានស្គាល់ និងទទួលបានផលប្រយោជន៍ពីធនធានធម្មជាតិទាំងនោះ៕ ប្រភពរូបភាពពី៖ មន្ទីរទេសចរណ៍ខេត្តមណ្ឌលគិរី