COMMENTS ភ្នំពេញ៖លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តី ក្រសួងសាធារណការ និងដឹកជញ្ជូនបានបញ្ជាក់ថា ក្រសួងបានដាក់ ចេញសេចក្តីព្រាង ផែនការសកម្មភាព១០០ថ្ងៃ ដើម្បីបង្កើនសក្តានុពល ក្នុងការជួយចូលរួមចំណែក អភិវឌ្ឍន៍ ប្រទេសជាតិ ឲ្យមានវឌ្ឍនភាពប្រាកដ និងបន្តផ្តល់ សេវាសាធារណៈ ប្រកបដោយប្រសិទ្ធភាព និងតម្លាភាព ក្នុងការលើកកម្ពស់កម្រិតជីវភាព ប្រជាពលរដ្ឋឲ្យមានភាពប្រសើរឡើងបន្ថែមទៀត។ លោក ស៊ុន ថុល ថ្លែងក្នុងកិច្ចប្រជុំ ស្តីពី ការផ្សព្វផ្សាយយុទ្ធសាស្ត្រ អភិវឌ្ឍន៍ ហេដ្ឋារចនាសម្ព័ន្ធ ដឹកជញ្ជូន នៃក្រសួងសាធារណការ នៅថ្ងៃទី២១ ខែកញ្ញា ឆ្នាំ២០១៨ថា “ខ្ញុំសូមគូសបញ្ជាក់អំពីសេចក្តីព្រាងផែនការសកម្មភាព១០០ថ្ងៃរបស់ក្រសួងដើម្បីបង្កើន សក្តានុពលក្នុងការជួយចូលរួមចំណែកអភិវឌ្ឍន៍ប្រទេសជាតិឲ្យមានវឌ្ឍនភាពប្រាកដ និងបន្តផ្តល់សេវាសាធារណៈប្រកបដោយប្រសិទ្ធភាព និងតម្លាភាពក្នុងការលើក កម្ពស់កម្រិតជីវភាព ប្រជាពលរដ្ឋឲ្យមានភាពប្រសើរឡើងថែមទៀត” ។ លោកថា សមិទ្ធផលសម្រេចបានសំខាន់ៗ ទាក់ទងនឹងការអភិវឌ្ឍហេដ្ឋារចនាសម្ព័ន្ធ កាលពីអាណត្តិកន្លងមក គឺក្រោមការដឹកនាំប្រកប ដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ក្នុងឱកាសនោះ រដ្ឋមន្រ្តីក៏បានណែនាំ និងជំរុញលើកទឹកចិត្តដល់ មន្ត្រីក្រោមឱវាទទាំងអស់ត្រូវបន្តការ ខិតខំប្រឹងប្រែងធ្វើការងារ ឲ្យកាន់តែសកម្ម និងប្រកបដោយភាព ទទួលខុសត្រូវនៅ តាមមុខតំណែងរបស់ខ្លួន ដើម្បីជាផលប្រយោជន៍ ដល់ក្រសួង និងប្រទេសជាតិទាំង មូលផងដែរ៕ ដោយ៖ធី លីថូ