កិច្ចប្រជុំត្រួតពិនិត្យវឌ្ឍនភាពការងាររបស់អគ្គនាយកដ្ឋានបច្ចេកទេស ទីស្តីការក្រសួង៖ នារសៀលថ្ងៃព្រហស្បតិ៍ ទី០៦ ខែកុម្ភៈ ឆ្នាំ២០២៥ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យផែនការសកម្មភាពការងារសម្រេចបានក្នុងខែមករា ឆ្នាំ២០២៥ និងលើកទិសដៅការងារសម្រាប់ខែកុម្ភៈ ឆ្នាំ២០២៥ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សាក្រសួង ឯកឧត្តមអគ្គនាយក-លោកអគ្គនាយករង លោកប្រធាននាយកដ្ឋាន ព្រមទាំងមន្ត្រីជំនាញបច្ចេកទេសពាក់ព័ន្ធជាច្រើនរូប ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យនូវរាល់សកម្មភាពការងារដែលអគ្គនាយកដ្ឋានត្រូវអនុវត្តនៅក្នុងឆ្នាំ២០២៥ ជាមួយនឹងការពិនិត្យលើលទ្ធផលការងារដែលសម្រេចបាននៅក្នុងខែមករា ដើមឆ្នាំ២០២៥ នេះ។ ទន្ទឹមនឹងលទ្ធផលការងារដែលសម្រេចបាន អង្គប្រជុំក៏បានពិភាក្សាលើបញ្ហាប្រឈមនានា លើការអនុវត្តការងារកន្លងមក ដើម្បីស្វែងរកដំណោះស្រាយ ព្រមទាំងត្រៀមអនុវត្តផែនការសកម្មភាពសម្រាប់ខែកុម្ភៈ ឆ្នាំ២០២៥ ខាងមុខ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របតាមគោលនយោបាយ និងផែនការយុទ្ធសាស្រ្តរបស់ក្រសួងសាធារណការ និងដឹកជញ្ជូន ក៏ដូចជាផែនការសកម្មភាពរបស់អគ្គនាយកដ្ឋានដែលបានគ្រោងអនុវត្តប្រចាំឆ្នាំផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube