សម្រស់ដ៏ស្រស់ត្រកាល នៃស្ពានគីហ្សូណា កំពុងញញឹមទទួលស្វាគមន៍បងប្អូនប្រជាពលរដ្ឋធ្វើដំណើរឆ្លងកាត់ដោយក្តីរីករាយ។ ស្ពានគីហ្សូណា គឺជាស្ពានទី១ នៅក្នុងប្រវត្តិសាស្ត្ររបស់ព្រះរាជាណាចក្រកម្ពុជា ដែលបានកសាងឆ្លងកាត់ទន្លេមេគង្គ។ ស្ពាននេះ ជាប្រភេទស្ពានបេតុង មានប្រវែង ១,៥០០ ម៉ែត្រ ទទឹង ១៤ ម៉ែត្រ និងកម្ពស់ ៣៥ ម៉ែត្រ ឆ្លងកាត់ទន្លេមេគង្គ សណ្ដូកចេញពីក្រុងកំពង់ចាម ខេត្តកំពង់ចាម ឆ្លងទៅកាន់ស្រុកត្បូងឃ្មុំ ខេត្តត្បូងឃ្មុំ និងត្រូវបានចាប់ផ្តើមសាងសង់នៅឆ្នាំ១៩៩៨ ហើយបញ្ចប់ និងបើកសម្ពោធឱ្យប្រើប្រាស់ផ្លូវការ កាលពីឆ្នាំ២០០១៕