សៀមរាប៖ ផ្លូវជុំវិញក្នុងក្រុងសៀមរាប រហូតមកដល់ថ្ងៃសៅរ៍៦រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១ ខែកញ្ញា ឆ្នាំ២០១៨ នេះ នៅផ្លូវជុំវិញក្នុងក្រុងសៀមរាប ដែលខូចខាតស្ទើរទាំងស្រុង កំពុងរងនូវការរិះគន់ ពីប្រជាពលរដ្ឋយ៉ាងចាស់ដៃថា ផ្លូវមិនព្រមធ្វើនោះទេ រីឯមន្ត្រីរដ្ឋបាលនៅក្នុងខេត្ត សុទ្ធតែមានជីវភាពធូធារ ! តែបែរជាផ្លូវខូចខាតតិចតួចសោះ មិនព្រមធ្វើការជួសជុលឡើយ រង់ចាំ តែគម្រោងថរិកា របស់ថ្នាក់ជាតិធ្លាប់មក ទើបពួកគាត់ធ្វើការជួសជុល។ បើមិនមានថវិកាជាតិទេនោះ ទុកចោលមិនខ្ចីខ្វល់ មិនខ្ចីអើពើឡើយ មិនមែនផ្លូវម៉ែ ( ឪ កយ ) ផង ។ ចំពោះផ្លូវពាក់ព័ន្ធ និងអាជ្ញាធរជាតិអប្សរា វិញ ខូចខាត ស្ទើរទាំងស្រុង ដូចគ្នា ! គ្មានការជួសជុល រង់ចាំ ថវិកាជាតិ ដែរ ហើយមើលទៅ ! ចំណែកការ ប្រមូលលុយ ពីក្រុមរថយន្ត ដឹកដីនៅតាមស្ថានីយ៍ជញ្ជីង និងទីតាំងផ្សេងៗទៀតពាក់ព័ន្ធ អប្សរា គឺមិនដែលឱ្យបាត់១រៀលឡើយ។ តើ ថវិកា នោះយកទៅណា? នេះជាចម្ងល់របស់ប្រជាពលរដ្ឋពួកគាត់ ។ អត្ថបទ៖ រឹទ្ធី