គណៈប្រតិភូវិទ្យាស្ថានតេជោសែន សាធារណការ និងដឹកជញ្ជូន បានអញ្ជើញចូលរួមសន្និសីទ ស្តីពី “វេទិកាចិន-អាស៊ាន ស្ដីពីអភិវឌ្ឍន៍គុណភាព នៃការអប់រំបណ្ដុះបណ្ដាលវិជ្ជាជីវៈវិស្វករ និងការតាំងពិព័រណ៍អំពីកម្មវិធីកិច្ចសហប្រតិបត្តិការដ៏ជោគជ័យ -CHINA-ASEAN High Quality Development Forum of Architectural Vocational Education and Exhibition of Successful Cooperative Programs” នៅខេត្ត Guizhou សាធារណរដ្ឋប្រជាមានិតចិន នាព្រឹកថ្ងៃទី២៤ ខែសីហា ឆ្នាំ២០២៤ នៅខេត្ត Guizhou សាធារណរដ្ឋប្រជាមានិតចិន ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន បានអញ្ជើញដឹកនាំក្រុមការងារវិទ្យាស្ថាន ទៅចូលរួមសន្និសីទ ស្តីពី “វេទិកាចិន-អាស៊ាន ស្ដីពីអភិវឌ្ឍន៍គុណភាព នៃការអប់រំបណ្ដុះបណ្ដាលវិជ្ជាជីវៈវិស្វករ និងការតាំងពិព័រណ៍អំពីកម្មវិធីកិច្ចសហប្រតិបត្តិការដ៏ជោគជ័យ- CHINA-ASEAN High Quality Development Forum of Architectural Vocational Education and Exhibition of Successful Cooperative Programs” ដែលប្រារព្ធធ្វើឡើងចាប់ពីថ្ងៃទី២៣-២៦ ខែសីហា ឆ្នាំ២០២៣ នៅខេត្ត Guizhou សាធារណរដ្ឋប្រជាមានិតចិន សហការរៀបចំដោយ Guizhou Polytechnic of Construction (GZPC), Jiangsu Vocational Institute of Architectural Technology, Gauangdong Construction Polytechnic and Shandong Business Institute។ ក្នុងឱកាសនោះដែរ ឯកឧត្តមនាយកវិទ្យាស្ថាន បានឡើងថ្លែងសុន្ទរកថាអំពីសាវតារបស់វិទ្យាស្ថាន ចក្ខុវិស័យ ជំនាញសិក្សា និងស្វែងរកកិច្ចសហប្រតិបត្តិការជាមួយនឹងគ្រឹះស្ថានឧត្តមសិក្សានៅក្នុងប្រទេសចិន និងក្នុងតំបន់អាស៊ាន។ សន្និសីទនេះ ធ្វើឡើងក្នុងគោលបំណងដើម្បីជំរុញកិច្ចសហប្រតិបត្តិការជាក់ស្តែងរវាងប្រទេសចិន-អាស៊ាន លើវិស័យអប់រំវិជ្ជាជីវៈស្ថាបត្យកម្ម។ កម្មវិធីនេះមានការចូលរួមពីបណ្តាប្រទេសជាសមាជិកអាស៊ាន និងវិស័យឯកជន ដែលទទួលបន្ទុកលើការងារផ្នែកអប់រំ និងបណ្តាគ្រឹះស្ថានឧត្តមសិក្សានៅប្រទេសចិនផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube