កិច្ចប្រជុំផ្សព្វផ្សាយខ្លឹមសារនៃ “កិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម CLV-DTA” ជូនដល់ប្រជាពលរដ្ឋក្នុងឃុំលើកដែក ស្រុកកោះធំ ខេត្តកណ្តាល ស្រុកកោះធំ ៖ នាព្រឹកថ្ងៃសៅរ៍ ទី១៧ ខែសីហា ឆ្នាំ២០២៤ ឯកឧត្តម ហ៊ាង វុត្ថា ប្រធានក្រុមការងារគណបក្សចុះមូលដ្ឋាន ជួយឃុំលើកដែក បានដឹកនាំកិច្ចប្រជុំផ្សព្វផ្សាយខ្លឹមសារនៃ “កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម CLV-DTA” ជូនដល់ប្រជាពលរដ្ឋ ក្នុងឃុំលើកដែក ស្រុកកោះធំ ខេត្តកណ្តាល ដោយមានការចូលរួមពី លោកអនុប្រធាន និងសមាជិក សមាជិកា សមាសភាពចូលរួមសរុប ១១៨នាក់ ក្នុងនោះស្រី ១៩នាក់ ក្រុមការងារសាខាបក្សក្នុងឃុំទាំង ១៥ រូប។ កម្មវិធីផ្សព្វផ្សាយនេះ ធ្វើឡើងក្នុងគោលបំណងបញ្ជ្រាបការយល់ដឹងពីខ្លឹមសារ វិសាលភាព និងគុណប្រយោជន៍នានា ដែលកម្ពុជានឹងទទួលបានពីកិច្ចសហប្រតិបត្តិការ CLV-DTA ក៏ដូចជាកិច្ចខិតខំប្រឹងប្រែង របស់រាជរដ្ឋាភិបាលលើកិច្ចសហប្រតិបត្តិការនេះ និងដើម្បីលុបបំបាត់ព័ត៌មាន បំផុសបំផុលនានា ដែលពួកជ្រុលនិយមកំពុងញុះញង់ និងផ្សព្វផ្សាយបំភ្លៃការពិតផងដែរ។ ក្រោយពីបញ្ចប់ កម្មវិធីផ្សព្វផ្សាយខាងលើ ឯកឧត្តមប្រធានក្រុមការងារ បានបន្តអញ្ជើញចុះពិនិត្យទីតាំងដែលគ្រោងសាងសង់ទីស្នាក់ការគណបក្សឃុំថ្មី ជំនួសឱ្យទីតាំបច្ចុប្បន្ន ដែលមានសភាពតូចចង្អៀត៕